Nizan Nikhat chung te lawngah SAC Ralhrang 70 Nak Tam An Thi Tiah NUG Nih Thanh

July 24 nizan nikhat te lawngah SAC ralhrang pawl minung 70 nak tam an thi tiah NUG cozah nih cathanh an chuah. Cun nikhat chungte lawngah SAC ralhrang uico cu 27 leng hliamhma an pu tiah an thanh.

Myanmar ram chung hmun kakip ah SAc ralhrang dohnak cu fakngai in an hun nam pah cang caah thlakhat chungah SAC ralhrang cu 1975 an thi i hliamtuar hi 890 renglo an um tiah NUG nih cun an langhter.

SAC ralhrang dohnak cu nizan nikhat te lawng ah Myanmar ram chung hmun tampi ah an tuah nain Yangon ramthen , Tharningthari ramthen le Kachin ramkulh le Magwe ramthen hna ah voikhat le Sagaing ramthen ag voi9 a tambik a si tiah cathanh an langhter.

Cun SAC ralhrang dohnak ah hin kumkhat chung te lawngah 15000 renglo an thi cang i hliamtuar hi 4800 renglo an um cang tiah NUG cathnah an langhter.

Cu Sagaing ramthen ke Magwe ramthen tamdeuh 90 % tluk cu PDF pawl nih an runveng khawh cang tiah NUG cozah nih June 21 ah press conference an tuah nak ah an chim. Ref-DVB

Be the first to comment

Leave a Reply

Your email address will not be published.


*