Skip to content
Home » Nizan NUG Press Conference Ah Dr. Sa Sa nih A biapi tuk mi Ralhrang dohnak kong a chim mi

Nizan NUG Press Conference Ah Dr. Sa Sa nih A biapi tuk mi Ralhrang dohnak kong a chim mi

WUSA miphun pawl zong nih Min Aung Hlaing ralhrang hi doh ve ding in Dr. saSa nih a forh hna tiah theih a si.

Nihin ah tuahmi NUG press conference ah SAC ralhrang pawl le WA, Shan hriamtlai cheukhat pawl an i pehtlaihnak kongkau he pehpah in NUG a lungput le ruahnak cu halnak an tuah tik ah Dr, Sa Sa nih a tu bantuk in a chim hi a si.

Tlangcung miphun pawl ralhrang pawl hruaitu nih an rak kan hlennak hi kum 70 renglona si cang. Kan miphun kan mahtein humhaknak ding caah ralhrang he i chawnh biak cu zeitinhmanh in a tlamtling kho lai lo tiah a chim.

Ralhrang hruaitu pawl cu an kaa chung in a chuak mi hi lih hrawkhrawl lawng le an si. Kanmah tein kan i uk lai. Kan miphun kongah kanmah tein kan tawlrel lai timi hi hlanchan Pinlong chan in a rak chuak mi a si cang. A ngai te ti ahcun anmah nih an kan pek ding a si lo. A ngai te ti ahcun anmah nih hriamnam an i tlaih i an rak kan doh ruangah dothlennak hi a chuak mi a si tiah a chim fawn.

Cucaah Shan hriamtlai cheukhat le WA zong nih NUG ah i fonh le fonh lo hi biapi a si lo. Kanmah cio in ralhrang an cilhmit dingah doh cio hi a biapi tuk mi a si tiah a chimchap.

Rakhine ramkulh zongah ralhrang cu an doh lai. Chin ramkulh zongah ralhrang cu kan doh lai. Sagaing zongah an doh lai. Magwe zongah an doh i WA zong nih rak doh ve uh. Hmunhma pakhathmanh an ngeih lo nak dingah letmat pakhat te hmanh hi SAC ralhrang hna kutchungah Myanmar ram a um lo nak ding hi kan tuanvo cio a si tiah Dr.Sa Sa nih cun a chim.

Kan ithawh deng ah khin khuami pakhat nih a rak tli I arti pumhnih lampi ah va ding te tiah a ka pek Chinland Army Kalaymyo