Nizan Ralhrang Nih Hakha I An Tlaih Mi Ngakchia Kum 12 kong Thawngfiang An Thanh

Hakha khuapi Sianginn No 4 ah nizan ralhrang uico pawl nih ngakchia kum 12 pakhat an tlaih.

Chin ramkulh khualipi Hakha Sianginn No 4 sianginn ah lente aa celh mi kum 12 ngakchia pa cu ralhrang nih an tlaih nain zanlei khuamuih lai ah an hunnthlah than cang tiah theih asi.

Hi ngakchiapa kum 12 telh in a hawilei pathum hna cu Sianginn No 4 ah lente an i celh hna. Ralhrang pawl cu an phanh i a hawi le pathum hna cu an zam manh nain a mah cu a zaam manh lo caah ralhrang nih an rak tlaih hi a si tiah khuami pakhat nih a chim.

An tlaih hi clsuimilam 2 pm tluk ah a si, ralhrang nihcun ngakchiapa kum 12 cu sakhan ah an kalpi. Cuticun ngakchia kum 12 a nulepa le biaknak lei hruaitu pastor te he ralhrang sakhan ahcun zamlei ah an hun kal hnawh i khuamuih lai suimilam 6 pm tluk ah ralhrang nih an rak thlah than tiah theih asi.

Nizan ralhrang uico pawl cu motor pathum in Hakha khualipi No.4 sianginn Auto sang um ahcun an kal i sianginn i hman mi pakan, hrai le hmanawk thilril pawl an chiah hnu ah ah an kir than hna tiah pawngka um sangmi hna nih an chim.Source-Khonumthung

Be the first to comment

Leave a Reply

Your email address will not be published.


*