Nizan Tamu Khuapi Luhnak Pawng Kahnak Ah PDF pasaltha pahnih Nunnak a liam.

Tamu khuapi luhnak pawng kahdohnak ah PDF pasaltha pahnih nunnak a liam pakhat cu a ruak an la kho lo.

Tamu khuapi luhnak meng4vtluk kam ah SAC ralhrang uico le PDF i kahnak a chuak i i PDF pasaltha pahnih nih nunnak an pek. Pakhat a ruak cu an lak kho lo tiah theih a si

Nunnak a liam mi pasaltha pahnih hna hib
BSO (Burmese Student Organization) in Mg Arka Thet kum 18 le Pahkahphah LynYung kum 40 an si. I kahnak ah hin SAC ralhrang lei zong hi a thimi an um len lai nain khuamuaih lai ah i kah mi a si caah fiang in kan thei kho lo tiah mipi ralkap lei nih an chim.

Tamu PDF lei he naihniam pakhat nih ” nizan i kahdohnak hi khua a mui cang. Mipi ralkap lei hnu an kir ah hin Lyin Yung cu a rak chuak ti lo. A tlau tiah kan ruah. Tuzing cio ah a nunnak a liam kan theih. Zingka ah Namunthar khua kam ah voikhat, meng4 gate ah boikhat ti in SAC ralhrang motor thlun cu bomb in an puah hna” tiah a chim.

SAC ralhrang nih uknak an lak hnu ah Tamu pengchung in Pasaltha minung 11 hna nih ram le miphun caah nunnak an pek ve cang tiah theih a si.

Be the first to comment

Leave a Reply

Your email address will not be published.


*