NLD Central Committee Chungtel Htun Htun Hein Cu Kawl Ralkap Nih A Thih Tiang Tuar Ding Hremnak An Pek – Thawngpang Dik Thanh Hna Usih


NLD Central Committee Chungtel Htun Htun Hein Cu SAC Nih Thong 24 Thlak Ding In Bia An Khiahpiak. NLD Central Committee chungtel Pyithu Hluttaw Vice Chairman hlun, Htun Htun Hein(ထွန်းထွန်းဟိန်) cu rampi leirawinak upadi section 122 in Lashio thonginn biaceih zung nih nizan November 29 ah thong kum 20 thlak chap ding in bia an khiahpiak, tiah a chungkhar pakhat nih a chim.

“A voikhatnak case cu bia an khiahpiak cang nain case pahnihnak cu November 29 zing ah thong kum 20 thlak chap ding in bia an khiahpiak ṭhan. A dang sualnak case in taza an cuaimi pakhat a tang rih,” tiah a chim chap.

Kum 73 a simi Htun Htun Hein cu 2020 thimnak lioah Shan ramkulh Naung Cho peng in a rak i zuam i teinak a hmumi a si nain SAC nih nawlngeihnak an lak hnu in NLD Central Committee vialte an rak tlaih dih mi lakah ai telmi a si.

Ramkhel thongtla a zohkhenhtu AAPP nih, November 28 an cathanh chuahmi chungah SAC nih nawlngeihnak an lak hnu kum hnih deng ah rammi 16,462 tlaih an tong i, cu chungah 12,990 hi thonginn chungah an um rih, tiah an langhter.

Kalay Peng PDF Chungtel Sii Lei Ralkap Nu 9 Cu Kum 12 Chung Thongthlak Ding In Biakhiahnak An Tuahpiak Hna

Sagaing ramṭhen, Kalaymyo peng tualchung hriamtlai phu chungtel sii lei ralkap nu 9 cu October thlachung ah Kalaymyo thonginn biaceihzung nih kum 12 cio thongthlak ding in biakhiahnak an tuahpiak hna tiah thonginn rianṭuantu hna he naihniam in ummi nih an chim.

Nu 9 hna cu SAC ralkap nih uknak a lak hnu 2021, November 16 ah tlaihkhih an rak tong i Kalaymyo thonginn ah an hren hna hnuah poh-mah 505(a) le 50(j) in tazacuai a tong mi an si.

Kalay thonginn biaceihzung nih kum khat tluk sual kawlnak a tuah hna hnu 2022, October thla chung ah an dihlak in kum 12 cio thongthlak ding ah biakhiahpiak an si tiah Kalaymyo peng tualchung hriamtlai phu in tuanvo ngeitu nih nihin November 29 ah a chim.

Tlaihkhih a tongmi PDF chungtel sii lei ralkap nu hna hi Chin mi an si i, an dihlak in kum 20 a luan kami mino tete an si tiah theih asi.

SAC ralkap nih rallam sialnak ah kalpi an si thla 5 chung ah an nun humhimnak kongah thinphang in kan um i, a tu hnu ah cun thla hnih ah voi khat eiding le an herhmi kuat khawh a si cang tiah min langhter a duhlo mi thongtla chungkhar pakhat nih a chim.

Source:RFA

 



Source link

Add a Comment

Your email address will not be published. Required fields are marked *