Nu Lawng Cawnpiak Lengmang Loin Pa Zong Cawnpiak Ve Cang Hna Uh

Nu lawng hi cawnpiak nak ah kan kai ter lengmang hlah uh, pa zong hi cawnpiaknak ah kai ter ve lengmang hna uh.

Nu bu cawnpiaknak training an ti i nu pawl cu voi tampi cawnpiak lengmang kan si. Pasal le tang ah nan i dor lai ti a si. Fale zohkhenh ning le rawl chumh chuan ning tiang in nu pawl cawnpiaknal hi cu tuah lengmang a si.

A sinain patung pawl cawnpiaknak a um bal lo. Khriahfa upa cawnpiaknak cu a um tawn nain Khrihfa upa lawng an si. Cu hmanh cu Khrihfabu hruai ning kha an cawn piak tawn hna.

Chungkhar ah nupi le hi zeitindah dawt ding an si. Zeitindah kan tuah hna lai. Nupi le nih zeidah an duhnak le an herh mi pawl a si timi hi pa pawl hi cawnpiak hau tamtuk an um ve tawn.

Nupi le cu Bible nih Va le tang ah i dor uh ti a si timi cu pa pawl nih le an theih dih fawn. Pa pawl nih le nupi le cu nan pum nan i dawt bantuk tein nan dawt hna lai timi an thei fawn ti lo. Kan lu cu Khrih a si timi an tuahtan fawn ti lo.

Cu ruang ahcun nupi le nih celh ti lo ruang ah zamtak mi pa pawl an tamtuk cang. Nupi le kaltak mi le thenmi pa pawl an tamtuk cang. Hihi cawnpiaknak an chambau a si ve.

Cu ruang ahcun kan hruaitu le kan Pastor te pawl nihhin pasal le hi biatak tein chungkhar kong ah nan cawn piak hna a hau ve cang. Nu pawl lawng cawn piak lengmang awk kan si ti lo. Pa pawl ko hi a hlei khun in cawnpiak an hau cang.

Mahhi ca hi pa pawl le nu pawl nih an hmuh dih khawhnak lai rak share ve hram. Pa hi cawnpiaknak ah kai an herh tuk ve cang timi fiang cang hna seh. Pic hi cu zoh dawh ah Lulu Aung hmanthlan tar sawh mi a si.

Be the first to comment

Leave a Reply

Your email address will not be published.


*