Nu le Pa nih Kan I Palh Tawnmi Cu

Nu le Pa nih Kan I Palh Tawnmi Cu
——————————————————–
Fale hmuh hngan(mit hmuh) ah i sik, i vawlhpamh, mi thangchiat

Fale hi upat an hau. Kan hrin cia an si zongah thil tha lo timi poh an hmai ah tuah lo ah a tha.Kanmah nuva kong lawng hlah. Anmah fale kong hmanh an hmai ah tamtuk chim lo ah a tha. An hawikom (freind) kong tiang khi kan i thlak ding si lo.

Mi kong chiat nak le bang cu fale hmai ah chim bak lo ding. A ruang cu an hna nih a theihmi le an hmuhmi kha an thisen ah a lut.Nu le pa ruang ah fale a rawkmi an tampi.

Fale uk tuk,
Minung simi poh nih zalon kan duh dih. Uk tuk nak nih thiltha nak in thiltha lo tam deuh a hrin.Fale duh thimnak kha ruah piak an hau.
Nupa cheukhat cu kan Fale phaisa hmuhmi tlaih dih kan hman. Ramthum nak hawi hna cun kum 18 tlingmi fale phaisa hmuhmi nu le pa nih control hi cozah phung hrim nih a onh lo.

Fale phaisa kan tlaih dih hna tikah mi hawi zoh in an um. Mi mit an zoh. Phaisa hman ning zong an thiam ti lo. An ngan tikah Peknak in ret an duh. An hmuhmi phaisa hmang in riantuan an thiam ti lo. An khua ruahhnak a zaw.
Cucaah uk dih silo in lam hmuhsak tu an hau.

Chungkhar kong cawnpiak bal lo

Kan fale nih chungkhar kong an fian hi a biapi tuk. Chungkhar timi an fian lo cun chungkhar ah an i nuam kho lo.
Chungkhar nih kan tuah awk le zulh awk vialte chimh an hau. Kan nupa le kan unau kong tiang chimh an hau. Kan phun le kan ram kong zong chimh an hau. Cu ti kan chimh hna lo tikah mah miphun chungkhar i zahpinak nun an pawi i miphun dang va uar hleinak an ngei.

tuah ding le tuah lo ding ( do and don’t)tha te chimh lo

Zeidah tuah ding ti le zeidah tuah lo ding timi hi a bik in Laimi kan umnak ah kan herh bik. Mi hawi sin kan um tikah maw leng kan chuah tikah Laimi kan fale hawiher zoh ah lung a mit tawn.

Um zia an thiam lo. An ral a chiami nih a chia tuk. A khawl mi le an khawl tuk hui. Tonghding le tongh lo ding zong an thei lo. Chim ding le chim lo ding an thei. An ngan tik zongah mibu rian an tuan nak ah an rian le dirhmun an thei lo. An personal rules an fiang lo i a hnu ah buainak a chuak.Credit-Tluang Ceu Thang

Be the first to comment

Leave a Reply

Your email address will not be published.


*