Skip to content
Home » NUG, CDF Le PDF Pawl Hi Ei Bar An Chuak Lai Lo

NUG, CDF Le PDF Pawl Hi Ei Bar An Chuak Lai Lo

Min Aung Hlaing nih Myanmar mipi uknak a lak hi nihin ahcun kum le chwu a si cang. Min Aung Hlaing nih uknak a lak mi hi timhcia man tein le sau nawn te timhtuahnak ngeih hnu ah a tu cu uknak kan lak ahcun kan lak khawh cang lai. Mipi hi kan tei hna lai timi zumh ngamnak in Min Aung Hlaing nih hin uknak a lak hi a si.

Min Aung Hlaing nih uknak a lak hnu ah ramchung ah mino tampi ramtang ah an zaam hna i hriamtlai ding in an i theim hna. A liam kum 1988 lio zongah nihin bantuk in siangngak chia or mino tampi cu uknak lak ruangah hriamtlai ding in ramtang ah an rak zaam hna i hriam an rak tlaih cio hna. An i ruahchan mi cu ralhrang uknak kan tei colh lai ti khi a si ko.

Hi 1988 lio zong ah hin ralhrang nih uknak an rak lak ruangah party lei hruaitu le ramkhel thiamsang minung tampi hna hruainak in caankarlak uknak tlaitu ding bu an rak dirh. Nihin i NUG bantuk hi an rak dirh ve. An tak dirh ka ahcun Myanmar ram mipi hna nih cu bu cu an rak zumh ngaingai hna. ralhrang hruaitu pawl an tei colh hna lai tiah an rak zumh hna i Ralhrang tei ding in ruahchannak an rak ngeih ngai. Cu vebantuk in mino or siangngak bu tampi hna nih hriam an rak tlaih ve.

A hram thawk ahcun an lung a rak rual tuk i ralhrnag uknaknlatu Tan Swe tei colh ding ah khan mipi nih rak ruah an si. Nain ralhrang cu tuan ah tei khawh an rak si lo tik ah caan a hun rauh deuh deuh i hriamtlai phu ceukhat hna cu bu chungah i thennak a rak chuak. Ramkhel le thiamsang pawl nih dirh mi bu zong cu zei ngai rak si lo kaw a donghnak ah cun ramleng ah an rak zaam viar i Ralhrang nih caantha a hung i lak i aa buai mi hriamtlai phu pawl cu pakhat hnu pakhat a rak phomh hna caah A donghnak ahcun Tan Swe kuttang ah kum sawm leng in kan rak tannak hi a si.

Tutan zong kum 1988 bak kan mino tampi nih hriam an tlaih. Ramkhel lei thiamsang hna le party pawl nih NUG an dirh. A hramgthok ahcun kan rak zumh ngai hna hi mu. Can a hung rau deuh i a tuhi kum khat le cheu te lawng kan hung phanh ah hriamtlai bu dirh mi CDF pawl an lungput a hung lang thluahmah cang. Caan sau deuh kan kal ahcun nihin i CDF e PDF e NUg kan timi hna pawl hi ei bar an chuak lai lo. Ni hin bantuk in an lung an thumh lo ahcun a donghnak ah Min Aung Hlaing rawl ah an cang than te lai i Myanmar mipi cu A kuttang ah chanchung kan tang te men ko lai. A poi ko.

Kan ithawh deng ah khin khuami pakhat nih a rak tli I arti pumhnih lampi ah va ding te tiah a ka pek Chinland Army Kalaymyo