Skip to content
Home » Nupi Tha Kan Timi Cu A Tang Lei Bantuk Hi An Si Hna

Nupi Tha Kan Timi Cu A Tang Lei Bantuk Hi An Si Hna

Nupi tha timi cu a tang lei bantuk hi an si. Nupi tha timi hi a biapi taktak mi a si. Chungkhar ah nupi tha a biapi tuk ruang ah kan Bible zong nih nupi tha timi kong voi tampi a chim.

Kan Lai phungthluk hmanh ah nupi tha nih rualza pum, nupi chia nih rualza thek ti a si. Nupi chia nihcun chungkhar sahlawh vialte kha a huat dih hna, a rem hna lo caah sahlawh rualchan vialte he i then dih a si, dawtnak a um lo ti kha a chim duh mi a si. Nupi tha nihcun chungkhar sahlawh vialte kha rem tein a um ter hna i a hlan i a rak i daw lomi chungkhar innpa chak tlang he zong daw tein a umter hna tinak kha a si.

Nupi tha timi hi a biapi tuk. Chungkhar ah pa zeitluk in a that zong ah nu a sual ahcun chungkhar a nuam kho lo. Nu a that ahcun pa a that lo zong ah chungkhar a nuamter khawh thiamthiam. Chungkhar ah nu cem hi an biapi tuk. Nupi tha timi cu a va kha upatnak tein a chawnh peng lai. Bible nih nupi le hna va le tang ah i dor uh tiah a ti bantuk in nupi tha cu va le tang ah ai dor.

Cheukhat nupi cu kan tuan khawh cio, phaisa kan hmuh cio ko. Pa tluk in kan tuan khawh, thil kan ti khawh ve tiin va le tang ah ai dor duh lomi, va le cung ah a cuang mi tampi kan um. Cucu nupi tha timi an si bal lo. Nu nih phaisa zeizat zong chuah pi ko hmanh ah na va tang ah nai dor lo ahcun nupi tha timi na si lo. Pumh na fel i thlacam na thawn tuk zong ah va le tang ah nai dor lo ahcun nupi tha timi na si kho hlei lai lo.

Va le tangdor kan ti tikah na va hmai ah na kun lai tinak khi a si lo. Chungkhar ah nuva ruahnak ai dan caan ah va le ruah ning lak piak le zei thil kong poh ah va le chimh ta le nawlpat kha nupi hna nih va le tang ah dor timi cu a si ko.Credit-Chinlandmedia

Kan ithawh deng ah khin khuami pakhat nih a rak tli I arti pumhnih lampi ah va ding te tiah a ka pek Chinland Army Kalaymyo