Nwatogyi Ah NLD Party Chungtel 4 Telh In Minung 6 Tlaih An Tong I A Zaan Ah A Thah Colh Hna – Thawngpang Dik Thanh Hna Usih


 

Mandalay ramṭhen, Myinchain pengkomh, Nwatogyi pengchung ah tualchung mi minung 6 cu December 6, zaan ah tlaih an ton hnu ah thah an tong, an ruak zong an hlonh hna tiah Myinchain mizapi cawlcanghnak committee nih cathanh an chuah.

Tlaihkhih le thah a tongmi hna cu Nwatogyi peng Minyua khua in pa 6 an si i NLD party chungtel 4 an i tel tiah theih a si.

Thah a tongmi hna cu U Kyaw Saung(kum 63), U Khin Maung Sein(kum 63), Ko Min Zaw, Ko Han Tin(kum 42), Ko Soe Paing(kum 37) le Maung Aung Ko Min(kum 17) hna an si.

U Kyaw Saung, U Khin Maung Sein, Ko Zaw le Ko Han Tin hna cu NLD party chungtel an si tiah Taungta peng mizapi cawlcanghnak committee nih an langhter.

Timit Kahdohnak Ah A Thimi SAC Ralkap Ruak Chin Ralkap Nih An Char, SAC Ralkap Pakhat A Nung In Tlaih A Tong

A luancia November 24 lio Hakha-Thantlang lampi kar Timit kuanghrawn kahdohnak ah Chin ralkap hna nih SAC ralkap ruak an i vuinak hmun 9 an hmuh i, a thimi SAC ralkap ruak 4 char in an vuipiak hna tiah theih a si.

Timit kahdohnak ah ai telmi Chin ralkap pakhat nih ” November 24, lio kahdohnak ah SAC ralkap lei a thimi hna ruak an vuinak hmun 9 kan hmuh, cun SAC ralkap ruak 4 kan char i kan vui cang hna. Ruak vuinak hmuhmi hmun 9 chung ah hmun khat ah cun “A hmuai ṭai” an phunchih caah Officer a si lai tiah kan zumh, cun SAC ralkap pakhat a nung in kan tlaih” tiah The Chin Post ah a chim.

November 22: A sunglawi hringhran ko. Kan I hngah hlang ngaingai mi CNA nih hriamnam tam taktak an cawk mi le a thar pawl meithal cu an phan tthan cang e tiah theih a si. Cu meithal pawl sining cu mah ti hin an langhter (atang lei ah hmanthlak he a konglam an min a um lai

Hriamnam an cawk thar mi pawl hi Myanmar ramchung tlangcung hriamtlai a tthawng bakmi nih an sermi pawl a si I, a hlan deuh lio zong ah khan CNA nih meithal a thar tampi an rak phurh cang timi cu theih cio a si. Atutan zong a thar pawl tam taktak bak an van phurh tthan i,

Cu an phurh mi hna an min pawl cu mah pawl hi an si hna tiah a thei mi nih an chim. 80mm le a kuan, 60mm le a kuan tampi, Anti-Air Defence, Let tthuh pawl, KA 47 tam taktak le kuan bawm tam taktak le

KA (M203) 40mm lattthoh, Pakyi gun, Pading timi bom kahnak, Laklai timi bom kahnak pawl hna an si I,Bom tampi an I tel hna tiah theih a si. CNA mah bantuk in a thar a ngeih tik ahhin ramdang ummi hna nih

Nan pekmi hrimhrim hi a lak ka a sawhsawh a si lo timi cu a fiang taktak ko. Hmailei zong ah CNA hi ttha tein an bawmh cio cun CDF Hakha in Salai Ngun San Aung nih a chim bantuk in CNA a tthawn ahcun CDF vialte tthawn cia khi a si Cucaah ahcun ramleng he ramchung he kan dir tti chin chin a hau ko tinak a si.

Hriamnam an cawknak hmun hi ramchung an hawikom sin ah a si i, a hlan deuh lio zong ah khan a thar tampi an rak phurh cang timi cu theih cio a si. Atutan zong a thar pawl tam taktak bak an van phurh tthan hi a si.

 

Pauk Ah Phungki Pakhat Le Sianginn Uktu Pa Kah Thah An Tong, Non-CDM Sianginn Sayamah 4 An Tlaih Hna. Magway ramṭhen, Pauk peng Kukar khuakomh Paukchaung Alay(ပေါက်ချောင်းအလယ်) khua ah phungki pakhat le sianginn cachim saya pakhat kah thah an tong, tiah theih a si.

December 6 zanlei sml 2:00 hrawngah Paukchaung Alay khua um khua, siangniamrun sianginn uktu Win Naing(kum 50) le saya, saymah vialte cu sianginn chung an um lioah hriamtlai phu khat an lut i sianginn uktu pa cu sianginn leng ah an chuah i an kah thah, tiah tualchung mi pakhat nih a chim.

“Hriamtlai minung 20 hrawng cu cycle in an lut i sianginn uktu pa cu an tlaih hnuah sianginn leng ah an thah. Cun sianginn chungah phungki pa pakhat zong an thah. Cu pinah Non-CDM sianginn sayamah 4 zong an tlaih hna, tiah a chim chap.

Cu kah thahnak kong he pehtlai in Southern Pauk Guerrilla Force, Companny 1 in Lieutenant Pe Thi nih, “Non-CDM sianginn sayamah 4 tu cu ṭha tein kan zohkhenh ko hna. Sianginn uktu pa thahnak kong tucu kan ralkap hna sinin thawng an kan pe rih lo,” tiah a chim.

Kah thah a tongmi sianginn uktu pa le phungki pa ruak cu khuami nih nihin December 7 ah an vui hna, tiah theih a si.

 



Source link

Add a Comment

Your email address will not be published. Required fields are marked *