Okarithah Sakhan Ralhrang Bawmh Ding A Kalmi Hna Cu Lampi Ah Thin Viar In An Kah Thah Dih Hna

Okarithah sakhan kahnak bawmh ding in a kalmi ralhrang pawl cu lampi ah an phomh hna i ralhrang uico tamtuk lampi cungah an hlim hna.

Kayin ramkulh Myawaddy peng Okarihthah sakhan kahnak bawmh ding in a kalmi ralhrang motor thluan pi cu June 30 ah lampi ah KNLA + pawl nih an phomh hna caah ralhrang uico pawl cu lampi cungah chawlphalh in an hlim dih ko hna.

Cuka hmun ah khan ralhrang pawl cu ralhrang pawl cu a phah in an i phah ko hna. Videobzoh tik ah ralhrang pawl hi lam cung bak ah a thimi hi an tam tuk hringhran mi hmuh khawh a si.

Ralhrang uico pawl nih hin Okarithah sakhan cu sungh ding an tih tuk caah raltuk Jet Vanlawng bak in voi 30 renglo a kah hna nain KNLA le a tangti oawl nih hnu kir duh bak lo in an phomh chih hna caah a rauh hlan ah Okarih sakhan cu an zaamtak cang lai tiah zumh a si.

Nihin ah khan ralhrang Jet Vanlawn cu Thailand ramchung a luh caah Thai cozah nih Min Aung Hlaing cu ralrin a pek colh. Nihin zanlei ah khan Min Aung Hlaing nih kan rak ralring cang lai tiah nawlnak a tuah tiah theih a si.

Be the first to comment

Leave a Reply

Your email address will not be published.


*