Olivia Nu nih Pu Duh Khai, New Delhi um a thuatnak cakuat:

Olivia Nu nih Pu Duh Khai, New Delhi um a thuatnak cakuat:

Tluang Ram Khuami Pu Duh Khai Delhi LCC ah Church Chairman tuan lio mi
Saikah khuami Pi Ngun Lan Sung Nan nu va in Riantuan loin Online in Mikong tialhin ma nan icawm Le lih le hrokhrawl cawhthup hin Ka konghi nantial peng lai le nan post peng ko lai
Pu Duh Khai Krifabu Pakhat ah Lutlai hna tuan ve i Duhpoh le mah $$ hmuhnak in miti hi cu Atha lo dawkaw Fak deuhin khua rak ruat u Fake Account tampi hmangin nan cawlcangh nak theihdih nan si Nan mah pawkhim nak lawng tuak hlah u
Delhi Lai Chiatthat bunih Rakchim hring hna u ningzak nan si
Note: Naihrawng Group kip i aka phozar tu hna Nuva an si hih rak thei hna u Anhei ka add ngamrih cuh Phuii

Pu Duh Khai Nih A Lehnak Cakuat

Olivianu Cinzah Timeline copy paste tuah in Groups ah ka postmi kong fianternak
+++++++++++++++
Nihin zanlei ah dawtu cheukhat hna sinin pumpak messenger ah cakuat ka hmuh, phone in a ka chawnmi zong an um. Thil sining ka vun zoh tikah ka lau ngai. Olivianu Cinzah nih a timeline ah keimah le ka chungkhar kong a vun phozarnak a rak si. Kum 5 chung News ka tial cang I, Laimi kong pumpak an tlamtlinlonak ka tial bal lo I, hurduhcuai nak phunphai zong nihin tiangah ka tial bal lo ti hi Delhi catialtu minung 50 hrawng nih an theih dih ko lai.

Amahbelte kanmah Laimi/Chinmi chungin min ngei deuh timi nih an timeline ah mipi nih rel khawh dingin an tarmi belte ( post ka siang lo timi telh loin) cu ka hei lak in ka thlah ve lengmang. Tahchunnak; Dr.Sasa, Lian Hmun Sakhong, Daniel Sakhong, Col.Solomon Thangding, Pu Htet Ni, Salai van Lian Than, Salai Bawi Lian Mang, Salai Lairamthang, Salai Lungthli Tum, Salai Ngun San Aung, salai Ceu Bik Thawng etc le biaknak lei kan pale tampi an um hna. Cu hna lakah Olivianu Cinzah zong nu asi ko nain dothlennak kongah biatak tein a cawlcang mi, minthatnak zong pekmi asi caah a cabia timeline zong ka lak pah ve ton. Cu cu min ngei pakhat ah ruah caah asi ve.

Tutan ah Olivianu Cinzah nih bawmhnak kong he pehtlaiin Thantlang le Hakha kong a tialmi cu keimah lawng si loin midang tete zong nih an thlah len ve. Keimah nih ka thlah mi hi lih in ka tial I ka ton chommi pakhat hmanh a um lo. “MI KONG TIAL IN MA NAN I CAWM LE LIH LE HROKHRAWL CAWHTHUP HIN KA KONG HI NAN TIAL PENG LAI LE NAN POST PENG KO LAI” tiah a timi ah Olivianu kong hi ka tial lo, amah a tial ciami le midang nih an tial ciami kha copy paste ka tuah I credit ka pek i ka post chin mi asi. Keimah ah hrokhrol nak ding a um lo, zeitintiah a tial ciami ka post chinmi asi.

Cun nihin tiangah Fake account ka hmang bal lo. Ca share nak ah ka nupi account le kan nau nute accout (an min fiang tein aa tialmi) ka hmang. Cu cu Delhi catialtu vialte an theih dih. Keimah nih ka nupi account ka hman piak ruangah a hmangtu keimah na ka theih ko cang ah cun ka nupi le fale photo phozar hau lo I Church Chairman ka tuannak khrihfabu min zong langhter a hau in ka ruat lo.

Mizeihmanh riantuan loin phaisa hmuh khawh asi lo ti cu chim hau lo.( ramthumnak ah zeiruangah dah an kal cio mu). Phaisa ka kawlnak News ka tialmi ah lih aa tel bal lo, mirang le adangdang holh in an tial mi ka ti khawh tawk in kaleh/translate ka tuah pinah timeline le page tbk tialmi copy paste ka tuah. Tutan timeline ka thlahmi hna hi tha tein ka chiah dih ko hna.

Ka minung sinak ah Lih chim ahmangmi le mihrokhrol ka si lo hi keimah a ka theimi vialte le ka umnak khrihfabu members hmai le Hakha Community members 1000 renglo hmai ah ka chim ngam. (A ka huatu an um sual belte ahcun ka thatnak cu an hmu kho hnga lo). Midang ngaihchiatter hi ka duh lo ngai mi asi i, an thin ka hunter sual hna ahcun ngaihthiam hal colh aa tim pengmi ka si. Cu lio ah Timeline ca ka thlah chinmi ruangah Olivianu Cinzah ngaih ka chiatter hi apoi tuk ka ti. Olivianu cinzah zong nih ka cungah na ngaihchiatnak le na thinhunnak a um ah cun Pathian minin ka ngaithiam hram.

Olivianu zong hi keimah nih ka theih tukmi Pu Siang Za Kam nupi na si I, na ngaihchiatter zong hi ka duh hrim lo. Laimi/Chinmi lakah upat le cawisan duhnak thinlung he na catial mi ka thlah chinmi ruangah na thinhung hlah law, miphun caah na riantuannak zaangder/thachia sual hlah sehlaw, teima tein rian na tuannak ah thazaang kan chuah piak chin lengmang ko mu. Bawipa nih nan chungkhar thluachuah inpe ko hna seh.

Credits: Pu Duh Khai le Pi Olivia Nu

Be the first to comment

Leave a Reply

Your email address will not be published.


*