Oman ah sin-um rian a tuanmi nu a mitcaw, a tluak tlau


Oman ram ah sin-um rian thla 5 chung a tuanmi nu pakhat cu a thluak a tlau i a mit zong a caw, tiah Oman ram ah a ummi Kawlmi pawl nih bawmh halnak ca an tar.

Hi nu hi kan Kawlram mi a si nain a miphun ngaingai hi an thei rih lo. Oman ram ah sin-um rian thla 5 a tuan hnu ah atu bantuk in a um hi a si.

A mit a caw i a thluak zong a tlau tik ah a sining ai chim kho ti lo. Atu bantuk in a zawt hnu ah Oman i tuanvo a latu Agency sin ah inntek nih an kuat than.

“Oman ah sin-um rian a tuanmi, a min zong kan thei lo, a thluak zong a tlau, a mitkhua zong a hmu ti lo. Sizung ah kan chiah a si ahcun Oman tangka a tlawm bik 600 a dih lai. Atu cu Oxygen an pek lio a si. A hawi le a chungkhar kan thanhpiak hram u” tiah bawmh halnak an tial.

Inntek sin ah thla 5 a rak um. Inntek nih zung ah an rak chiah than i ni 3 hnu ah atu bantuk hin a um. A mit khua a hmu lo i a thluak zong a that lo tik ah kan si khawh tawk in bawm hna u sih tiah an tar.

Kawlmi nih an tarmi Original bak a si

Oman ram hi cu Muslim ram a si i, nuhrin covo le ramdang riantuantu covo a um lonak bik ram ah aa telmi a si, tiah vawleicung zatlangbu nganpi a simi Amnesty International zong nih report a rak chuah.

Cucaah, Oman ram ah cun kan Lainu pawl kal lo ah a tha bik. Oman ram nakcun Macao, Singapore le Malaysia tibantuk hi a let in an tha.



Source link

Add a Comment

Your email address will not be published. Required fields are marked *