ONENESS HNA NIH THIANG THLARAU AN POM NING LE BAIBAL NIH THIANG THLARAU KONG A CHIM NING AI KHAT LO

ONENESS HNA NIH THIANG THLARAU AN POM NING
LE
BAIBAL NIH THIANG THLARAU KONG A CHIM NING AI KHAT LO

Oneness hna nih cun Thiang Thlarau hi “Mi” (Person) si loin “Thil” (Thing) pakhat khat, huham le țhawnnâk a ngeimi thlitu, mei le ti bangin an pom.

Zeicatiah “Mi” (Person) bangin an pom ah cun Pathian pakhat ah Mi pakhat tiah an zumhnâk ‘Oneness’ kha a hrawh lai caah Thiang Thlarau cu “Mi” bangin an pom lo i thli le ti le mei nih fak tak tak in rian a țuan khawh bangin Thiang Thlarau cu thilhtikhawhnâk (power) asiloah țhawnnâk a ngei taktak mi thil (thing) pakhat bangin an pom.

Asinain Baibal nih cun Thiang Thlarau hi “Mi” (Person) sinâk a ngeimi bangin a cawnpiak.

Zeitintiah:-

ThiangThlarau cu “Mi” (Person) a si caah Pathian Biatak kha a kan cawnpiak khawh. Johan 14:26. 15:26. 16:13

Thiang Thlarau cu “Mi” (Person) a si caah zûmtu caah thla a kan campiak khawh. Rom.8:26.

Thiang Thlarau cu “Mi” (Person) a si caah Pathian fa kan si kha a kan hngalhter khawh. Rom. 8:16.

Thiang Thlarau cu “Mi” (Person) a si caah a ngaih chiatter khawh a si. Efesa 4:30.

Cucaah Thiang Thlarau cu thil (thing) pakhat khat, rian a țuan kho tak tak mi mei, ti le thlitu bantuk men men si loin, Pathian pakhat ah “Mi” pathum lak ah “Mi” pakhat a si.
Rian a țuanning tu kha Mei (Mathai 3:11 Lam. 2:3 le Ti Johan 7:37-39 le Thlitu Johan 3:8.Lam 2:2 ah tahchunh a si.

Cuticun atu ah zûmtu kan chungah a ummi Thiang Thlarau hi “Mi” a si IKor 3:16. 6:19.

Atu ah van ah a um i Pa sinah a kan Nawlpiak zungzaltu, zungzal kan Tlângbawi Jesuh Khrih zong “Mi” a si Rom. 8:34. Hebru 7:25, 1Johan 2:1.

Kan Tlângbawi ngan bik Jesuh nih zûmtu a kan nawlpiak nâk hmun Pa zong “Mi” a si.

Ni khat khat ah “Mi” a simi Fapa Jesuh nih “Mi” a simi Pa Pathian sinah Pennâk kha a chanh țhan te lai. 1Korin 15:24.

Cucaah Pa zong “Mi” (Person) a si i
Fapa zong “Mi” (Person) a si i
Thiang Thlarau zong “Mi” (Person) a si.

Cu “Mi” pathum komh, Thumkomh (Trinity) cu “Pathian pakhat” timi cu a si.
1Johan 5:7.Baibal Cathiang, Kawl Baibal le KJV le NKJV zoh.Credit-Dr.Rualuk

Be the first to comment

Leave a Reply

Your email address will not be published.


*