Palai U Wai Lin Aung Cu Kum 26 Thongthlak Ding In Biakhiahnak An Tuahpiak

Myaungmya Hluttaw Palai U Wai Lin Aung Cu Kum 26 Thongthlak Ding In Biakhiahnak An Tuahpiak

A luancia kum 2021, December thla lio Kayin ramkulh Laykaekaw Myotit ah tlaihkhih a rak tongmi Myaungmya pyituh hluttaw palai U Wai Lin Aung cu Myawaddy pengkomh biaceihzung nih kum 26 thongthlak ding in nihin November 28 ah biakhiahnak an tuahpiak tiah theih a si.

U Wai Lin Aung cu SAC ralkap nih a luancia 2021, December 14 ah Laykaekaw Myotit ah an rak tlaih i, poh-mah 52(a), 50(a), 50(j) le poh-mah 122 tiin tazacuai a tongmi a si.

Pyituh Hluttaw palai si mi U Wai Lin Aung cu tlaihkhih a ton kum khat a rauh hnu ah a tu bantuk in kum 26 thong thlak ding in biakhiahnak an tuahpiak hi a si.

U Wai Lin Aung cu hluttaw palai a si hlan ah Myaungmya Ga-yu-na-shin(ကရုဏာရှင်) mi bawmhchanhnak phu dirhtu a si i, 2020 thimnak lio ah NLD palai in pyituh hluttaw palai a tlingmi a si.Source: BBC, Thechinpost

Add a Comment

Your email address will not be published. Required fields are marked *