Pasal Tha Ciaman A Mah Nunnak Pek In Bomb A Puak I Ralhrang 15 An Thi Viar

Yesayu PDF pasaltha Pakhat nih amah nunnak pek in SAC ralhrnag Uico pawl bomb a puah hna i ralhrnag 15 an thi dih.

Pasaltha pakhat nih cun kuttuah bomb pathum bak in amah nunnak aa pek i ralhrang pawl cu bomb a puah hna i a hmun ah minung 7 an thi colh. Sizung ah an kalpi hna i sizungah an thi chap. An zatein minung 15 an thi dih.

Magwe ramthen Yesayu peng Tetaw khua Phungki umnak sianginn ah can karlak hmunkhuar mi hna ralhrang pawl cu July ni 8 ah khan ralhrang nih Yesagyo Revolution Group – YRG pasal tha pakhat an dawi i sn kah hih tiah YRG nih cathanh an chuah.

An dawi chih i snntlaih cang caah amah cu luatnak lam a un ti lo caah amah nih aa putmi bomb pathum bak cu a nunnak pek in a puah i ralhrang uico pa7 a hmun ah an thi colh i a tangmi pa 8 cu sizungah an kalpi hna nain sizung ahcun an zatein an thi viar tiah YRG nih an langhter.

Nunak pek in bomb a pahtu PDF pa hi tintan hmanh a tum rih lo mi a si. Khualei tlunta in aa kal lio ah Tetaw khua phungkii sianginn i ralhrang nih hmun an khuar mi a thei lo i a hmai ah cycle in a kal. Ralhrang nih meithal he an dawi i an kah chih. Amah cu an khen lo nain a cycle cu an khen i a tluk. Luat ding si lo in tlaih thiamthiam ding a si caah aa putmi bomb pathum he a nunnak pek in ralhrang cu a puak hna tiah YRG chungtel pakhat nih a chim.

Nunnsk a petu Pasaltha cu Yesagyo Revolution Group – YRG nih upatnak sangin kan in pek i a min le a hmanthlak pawl cu a tangmi chungkhar humhimnak caah tiah kan langhter lo tiin YRG chim phuannak ngeih pakhat ZeRo nih a chim.

Mah ralhrang uico pawl hna hi Yesagyo Revolution Group – YRG nih July ni 8 ah khan an kah hna tawkyaw khua sh ralhrang cu an kir than. A thimi an um len caah hnu an kir a si lai tiah an zumh i mah hnu ahcun phungki sianginn ah hmun an khuar beh hi a si. Source-Khitthit

Be the first to comment

Leave a Reply

Your email address will not be published.


*