Pasal Tha nih An lak Mi Hriamnam Tam Bak Ko – Onlinenungak


Demosoe Peng Kungta Khua Cu SAC Ralhrang Hna Kut In KRU Nih An Lak Than, Karinni tatpaungsuh a si mi KRU raltuk nak hmun Demosoe peng Kungta khua i thazaang (30) hrawng he umhmun a khuar mi SAC hna cu nizan ah thazaang tamngai he kalhnawh in kahdoh nak neih a si hnu ah cu hmunram cu lak a si than cang tiah KRU lei tuanvo ngei tu nih a chim.

Hi kahdohnak ah ralhrang lei hi mi tlawm te an si i,sakhan cu an zaam tak caah Tukdoh caan a sau lo i, kaphnih a thi mi an um lo, ralhrang ta a si mi hriamthil le eidin bel fimtawl a si tiah KRU chung tel pakhat nih cun a chim.

Hi hmunram hi thla7/8 chung hrawng SAC nih umhmun an i khawrh cang mi a si i tu hi an lakkhawh than cu a si i,hmunhma thianhhlimh nak ngeih lio si in, mipi bel luh sianh an si rih lo tiah theih a si.

Cu pin ah KNDF ၊ KA ၊ KGZ ၊ PDF aibawmmi phu nih Tesulay khuachung i umhmun a khuarmi SAC hna cu november 30 ah khan an kahdoh hna i hmunram an lakkhawh tiah theih a si. CHIN24

Siangngakchia 7 Thihdan Peknak Kongah Siangngakchia Bu 223 Nih Dohkalhnak Cathanh An Chuah, SAC nih Dagon University siangngakchia 7 hna cu a luancia November 30 ah thih dan an rak pekmi hna hi fihnung biaceih zung le a thu manmi upadi in thih dan an pekmi hna a si caah kan cohlang hrimhrim lo, tiah siangngakchia bu (Student’s Union) 223 nih cathanh an chuah.

SAC kuttang biaceih zung nih bia an khiahmi hi kan cohlang hrimhrim lo. Siangngakchia 7 thih dan an pekmi hna zong fak piin kan dohkalh, tiah an langhter.

A dik lo ning in thih dan pek a tongmi Khant Zin Win, Thura Maung Maung, Zaw Lin Naing, Thiha Htet Zaw, Hein Htet, Thet Paing Oo, Khant Lin Maung Maung hna he siangngakchia bu 223 kan dirṭi, tiah an langhter.

Mizapi nih ṭihnak zeihmanh ngeih loin hramhram in tlaihkhih a tongmi siangngakchia hna le mizapi ca ah dohthlennak fak deuh in i zuam ding zong in siangngakchia bu 223 nih an langhter.

Cu pinah ramkip cozah hna le ramkip zatlang bu hna zong nih SAC ralkap nih mithah lainawnnak an tuah mi vialte hi dantatpiak ding in an nawl hna, tiah theih a si.

SAC ralkap nih a luancia July thla lioah Democracy a dirpi minung 4 an rak thah hna pinah ram chungah ah tlaih a tong i thong a tlami minung 13,000 leng an phan i, thah a tongmi hi 2,500 leng an si cang, tiah siangngakchia bu 223 nih cun an langhter.


Post Views: 25



Source link

Add a Comment

Your email address will not be published. Required fields are marked *