Pasaltha 7 Ralhrang Uico Nih An Thah Hoi Hna e

Ralhrang uico phu nih Chaung Oo peng chung ah mipi ralkap phu hnih chung in paraltha pa 7 le mi sawhsawh pakhat nikhat chung ah an tlaih mi an thah hna tiah Chaung Oo LDF nih thanh.
Chokhleipar

Sagaing ramthen Chaung Oo peng chung mipi ralkap CHU LDF chungtel pasaltha pa5 cu ralhrang uico le Pyusawhti phu nih an tlaih hna i an thah hna tiah CHU LDF nih cathanh an chuah.

I kahnak a um ruangah an tlaih mi hna si lo in lam karlak ah Kankyikung khua pyusawhti le ralhrang nih an tlaih mi hna an si. Pasaltha pakhat cu an tlaih le cangka in meithal in voihnih an kah i an thah colh ang. Nain a dang pali hna cu hmundang i an tlaih mi hna pawl he an thah hna .

An thah mi hna pasaltha panga hna cu kum 18-27 karlak mino pawl an si tiah an langhter. Cuve bantuk in CHU LDF i hriamnam chuahnak rian tuantu pahnih Chainko le Yebaw Nanda zong Kankyikung Pyusawhti nih an tlaih ve hna i an thah ve hna.

Pasaltha thah a tong mi hna hi CHU LDF chungtel panga le CHU PDF pahnih lengah mi sawhsawh pakhat an si. Nain ralhrang uico phu hna nihcun PDF he kan i kah i An ruak pariat le anmah kut tuah hriamnam cheukhat kan lak piak khawh hna tiah thawng an thanh.People Spring

Be the first to comment

Leave a Reply

Your email address will not be published.


*