Pasaltha Hna Le Ralhrang Kahdohnak Ah Ralkap Thi Le Hliamtuar 250 Hrawng An Si – Onlinenungak


Thla(3) Chung Ah KNDF Le A Ṭanṭi Phu Hna Nih Ralhrang 175 An Thah Hna, KNDF le a ṭanṭi phu hna nih thla(3) chung ah ralhrang 175 an thah hna i 83 an hliamh hna tiah Than Lwin Khet News nih a langhter.

A Luancia Sikpar, Tho le Zing thla chung hna ah Ralhrang hna le Mipi ralkap hna karlak ah kahdohnak voi (117) a chuak. Thla(3) chung kahdohnak ah KNDF ralkap 12 nih nunnak an pek i ralhrang hriamngan kahmi le vanlawng in bomb an thlakmi ruangah mipi minung (16) an thi i minung(79) hliam an tuar.

Ralhrang hna nih hriamngan an kahmi le meikhangh ruang ah Sianginn, Biaknak lei inn le minung umnak inn 170 hrawng a rawk. Thla(3) chung kahdohnak ah ralhrang lei hliamtuar le a thimi an tam i hriamnam le zenkuan tampi zong mipi ralkap nih an lak khawh tiah theih a si. The Chin Post

Chinram, Gangaw Le Kalay Ah Mei A Ra Kho Rih Lai Lo. Chinram kulh, Yaw le Kalay, Kabaw hmunram ah electric mei a kalnak Pauk peng Nyaungpinkyi-Chaungku 230KV meihri a cah ruangah a luancia November 28 thawk in mei a mit dih, tiah theih a si.

“Cu meihri cu a luancia November 31 thawk in remh hram kan thawk i December 2 ah 230KV mei line ah hmanmi meihri chuahsualnak a um caah a ra laimi December 4 zan hrawng lawng ah mei a ngah te lai,” tiah ṭuanvo ngeitu pakhat nih a chim.

Electric mei a rawh ruangah Chinram kulh, Hakha, Falam, Mindat, Matupi, Kanpetlet le Gangaw pengkomh ah Htilin, Saw, Kyaukhtu, Pauk, Gangaw le Kalay pengkomh vialte mei a mit dih, tiah theih a si.

Caan sau nawn mei a rawh cang caah Kalaymyo ah mei seh, solar le electric mei he aa pehtlaimi thilri a man ngaingai. Cu ṭhiamṭhiam in Hakha zong ah battery le solar a um lo tluk a si cang, tiah theih a si.

Thailand Ah Agent Nih A Kaltakmi Myanmar Rammi 13 Thailand Nawlngeitu Nih An Tlaih Hna, Thailand ram Turk pengkomh ah motor khaltu agent nih a kaltakmi Myanmar rammi 13 kan tlaih hna, tiah No.34 Thailand ramri hngaktu ralkap hna nih November 30 ah cathanh an chuah.

Phung ning loin Thailand ram ah motor in Myanmar rammi an lut tiin thawng kan theih caah a luancia November 29 zanlei in kan bawh hna i, cu motor cu Turk pengkomh Melamat hmunram sii-inn hmai ah kan hmuh, tiah an langhter.

Cu motor cu kan dirter i dir duh loin Mawwa(မော်ဝါး) khua lei ah a zam caah kan va dawi i Mawwa khua lam kam ah motor cu a dir i, cu chungah Myanmar rammi nu 9 le pa 4 cu kan tlaih hna, tiah an cathanh ah cun an langhter.

Myanmar rammi hna nih November 29 chun in Thaungyit tiva cu tilawng in an tan i Thailand ram ramlak in motor khaltu agent nih a kalpi hna, tiah theih a si.

Tlaih a tongmi Myanmar rammi hna cu Bangkok khua ah rianṭuan dingin a kalmi an si i, minung pakhat ah bath 25,000 in 27,000 kar kan dih, tiah an chim.

Tlaih a tongmi hna cu upadi ning in dantatnak tuah ding in Melamat palik sakhan ah an kalpi hna, tiah theih a si. The Chin Post


Post Views: 15



Source link

Add a Comment

Your email address will not be published. Required fields are marked *