Pathian nih kan kingh mi inka poh an kan hun piak lengmang

Australia Government I Immigration, Citizenship and Multiculturalism Minister pa a office ah kan rak ton. CHRO le Chin Community Australia tiah joint advocacy mission Canberra ah kan rak kal hna, 2018 December thla ah khan.

Australia Chinmi hna caah Citizen hmuh hi an rak iharh ngai caah mah cu kan zawn nan kan ruahding le Australia nih humanitarian visa a pek tawn mi hna savo chung in Chinmi zawn nan kan ruah piak nak lai tiah kan rak chim. Hawikom ttha hna thawng in tluangtlam te in bia an kan ruah,. Ahnu ka theih nak ah Citizen camipuai he pehtlai in a herh mi documents pawl pekchih ding kong ah Chin miphun pawl nih kan rak iharh ngai mi pawl zong cu fawi deuh te in an tuah piak hna. Cupin ah 202 global humanitarian visa vawlei cung pumpi ca in savo an chiahmi cu a dihlak in Chinmi anrak kan pek ti asi.

Pathian nih kan kingh mi inka poh an kan hun piak lengmang. A cancan ah cun kingh awk ah kan theih lo mi kan ca i a ttha mi inka tampi an kan hun piak mi ka/n hmuh lengmang. Atu lio ah Chinmi dihlak nih kan ram zalon nak inka cu fakpi in kan kingh. Pathian nih a can a za ati caah asi theu lai, hi tluk in Chinmi kan irual le thazaang kan chuah tti hi a um ballo. Kan kinghmi inka Pathian nih kan theih piak hram seh law, kan hun piak cang ko seh.Credit-Salai Bawi Lian Mang

Be the first to comment

Leave a Reply

Your email address will not be published.


*