PDF Le Tlangcung Hriamtlai Hna Bawmhnak Peknak Phung NDAA Cu American Hluttaw Pahnih Nih An Cohlan Cang – Thawngpang Dik Thanh Hna Usih


PDF Le Tlangcung Hriamtlai Hna Bawmhnak Peknak Phung NDAA Cu American Hluttaw Pahnih Nih An Cohlan Cang. Myanmar ram kongah sermi upadi National Defense Authorization Act cu American Senate nih an cohlan cang tiah theih a si!

“Burma upadi ah aa telmi National Defense Authorization Act(NDAA) cu American Senate nih an cohlan cang i, President Biden nih minsen thut ding in an kuat cang,” tiah Washington hrambunh Welson Center in ramkhel ngiathlaitu Ye Myo Hein nih amah pumpak social media ah a ṭial.

NDAA cu a tang Hluttaw(House of Representatives) nih an rak fehter cang i ni 8 a rauh hnuah a cung Hluttaw(Senate) nih an fehter ṭhan. American Hluttaw pahnih nih an fehter cang caah President Biden min thut lawng a taang cang, tiah theih a si.

NDAA chungah PDF, tlangcung hriamtlai vialte le Myanmar ram democracy a dirpitu bu hna cu hriamnam si loin hriamnam serthiamnak fimnak pek ding le a dang dang bawmhnak pek ding zong aa tel, tiah Ye Myo Hein sinin theih a si.

Cu pinah NDAA chungah SAC nih nawlngeihnak an lakmi a cohlang lotu SAC ralbawi hlun hna an khuakhanmi le an tuahsermi vialte bawmhchanh ding kong zong aa tel, tiah theih a si. US nih Myanmar a bawmh dingmi zat hi $470 millions a si lai.

Kalay Ah SAC Nih Nu 2 An Tlaih Hna. Sagaing ramțhen,Kalaymyo,Aung Thet Sar sang ah a ummi kum 40 tluk upa Pi MiMi Win le Aung May Maan sang ummu Nu Hnin Phyu Sin Hlaing hna cu December 15 chun ah SAC ralkap nih an tlaih hna tiah tualchungmi hna nih an chim.

SAC nih nu 2 an tlaihmi hna kong he pehtlai in zeiruang ah an tlaih hna ti hngalh a si rih lo,December 12 zong ah Kalay khuachungmi 5 hna cu PDF thil chantu nan si tiah SAC ralkap nih an rak tlaih cang hna.



Source link

Add a Comment

Your email address will not be published. Required fields are marked *