PDF nih SAC Ralhrang Motor Thluan Bomb In An Kah Hna Caah Ceilak An Thah Hna

Htiyang ah ralhrang pawl bomb in an kah hna caah a tlawmbik 12 an thah hna.

Sagaing ramthen Htiyang peng ah ralhrang uico motor thluan cu mipi ralkap PDF nih bomb in an kah hna caah tamtuk an thih lengah hliamhma pu tampi an um tiah Htiyang (PDF) Fox Army- HPDF nih cathanh an chuah.

Mah ralhrang pawl hi bomb lawng si lo in in hriam ngan pathum he kan kah rih hna tiah an langhter. Cucaah ralhrang uico minung 12 leng an thi i tampi nih hliamhma an pu.

Cuka hmun ralhrang bomb an puah hnawh hna nak ahcun mipi ralkap PDF nih hmunhma thianhlimnak an va tuah tik ah ralhrang bomb pahnih, 40 mahmah kuan le a dangdang hriamnan kan hmuh tiah Fox Army – HPDF nih an langhter.

Htiyang hmunhma chung ah hin ralhrang uico pawl cu PDF le Kachin Hriamtlai KIA i fonh in an kah lengmang hna caah ralhrang pawl a thimi an tam ngai ngak hmun pakhat asi. Source-People Spring

Be the first to comment

Leave a Reply

Your email address will not be published.


*