PDF Nih Shwebo Sakhan An Kah ciaman i Ralhrang Uico Ceilak an thi

Sagaing ramthen Sheebo peng Palung khuate ralhrang nih sakhan an i sermi Ralhrang uico le Pyusawhtibphu hna cu May7 Chunghnu suimilam 2 pm tluk ah mipi ralkap phu nih an kalhnawh hna i an kah hna caah ralhrang uico pa8 an thi tiah People Defense Force Shwebo nih cathanh an chuah.

Ralhrang sakhan an kah hnu i motorcycle pa 4 in hmunhma zohfel thannak tuah ding ah a kalmi ralhrang phu hna cu mipi ralkap pawl nih bomb in an kah hna caah ralhrang minung 6 fakngai in hliamhma an pu i hriamnam ngan he hriamhme he hehchet tiah an kah caah mipi ralkap pakhat hriamngan nih a tlak caah a nunnak a liam tiah theih a si.

People Defense Force Shwebo i tuanvo ngeitu pakhat nih miphun le ram caah nunnak a liam mi kan paraltha a ruak cu kan i zuan chih i kan lak khawh hnu ah tlamtling tein kan voi khawh cang tiah a chim.

Tutan Sakhan dohnak ah aa fonh mi phu hna cu C&T SHWEBO ၊ Snake Eyes PDF၊ People Defense Force Shwebo ၊ Alpha 7၊ Mahuya Zikuah Depeyin , Pyuinyin Depeyin, Ayadaw Naungyu, Bokyayaing hna an si tiah theih a si.Ref- DVB

Be the first to comment

Leave a Reply

Your email address will not be published.


*