PDF Nih Tamu, Pale Le Chaung U ah ralhrang ceilak an thah ko hna hih

Sagaing ramthen Tamu, Pale le Chaung I lawngah ralhrang an phomh hna caah uico 16 an thah khawh hna.Sagaing ramthen Tamu khuapi 12 sang sianginn i hmunkhuar mi ralhrang phu cu nizan April 17 zan suimilam 7 pm tluk ah Tamu mipi ralkap Tat-yin 1 le 2 nih an luhhnawh hna i an kah hna caah ralhrang minung pali an thah khawh hna.

PDF kahnak in ralhrang tat-kyat pakhat telh in minung pali an thi hna cu hmun an khuarnak sianginn hmai lam cungah an thi. Mipi ralkap PDF cu zeihmanh khawndennak um lo in hnu an i thawn than kho hna.

Cu ve bantuk in Pale peng Mintaingpin khua in a chuak mi Khah-mah-ah 386 ralkap milu 120 tluk hna cu tuzing suimilam 10 am Tluk ah Pale PDF tat-yin 1 le 2 , Myaing Hero Generation၊ Guerilla Ranger le Local PDF hna nih an kah ve hna caah ralhrang minung pali an thah khawh ve hna.

An i kap caan hi suimilam cheu tluk an i kap hna nain mipi ralkap lei pakhat hma hliamtuar le hliampu um lo in hnu an kir kho ve tiah theih a si. Nizan thiamthiam suimilam 8 am tluk ah Chaung u khuapi in a chuak mi ralhrang motor pahnih cu Chaung U Local Defence Force (CHU LDF) le a hawikom rua hna i fonh in an phomh ve hna caah ralhrang minung pariat a hmun bak ah an thah khawh hna. Cun a dang minung pali fakngain hliamhma an pu tiah theih a si.

Be the first to comment

Leave a Reply

Your email address will not be published.


*