PDF Pasaltha 4 Nunnak lengah An Hriamnam Vialte An Sungh Dih Hoi Cang Ko

Sagaing ramthen Khun Oo peng Letpanhlah khuate ah July 27 zingka ag SAC ralhrang le PDF kahnak fakngai in a chuak. I kahnak ah PDF pasaltha pa 4 nunnak a liam tiah PdF chungtel pakhat nih a chim.

Zingka suimilam 11 tluk ah Khin Oo peng Letpanhlah khuate lei ah SAc ralhrang pawl ral lam an ser. Cuka hmun ah cun PDF sakhan pakhat an hmuh i an luhhnawh. Kaphnih i kahnak cu fakngai in a chuak. PDF le SAC ralhrang cu hriamnam an i thlau tuk caah Sakhan cu SAC ralhrang nih an tingpiak khawh hna.

I kahnak ah PDF pasaltha pa4 nunnak a liam i an hriamnam tamngai an chuh khawh hna. An chuh mi hna hriamnam chungah M-22 meithal thangai pakhat le anmah nih tuahmi meithal 17 bomb 50, kutchep bomb 40 le a dangdang hriamnam an lak dih tiah theih a si. I kahnak ah SAC ralhrang lei kap a thimi le hliamtuar kongah thanhnak an tuah rih lo. Ref-DVB

Be the first to comment

Leave a Reply

Your email address will not be published.


*