PDF pawl an hram in kan bongh Dih hna lai tiah Tlangau pa Bohmukyi an thah cang

PDF pawl a hram in kan bongh dih hna lai tiah a au khuang tuk mi Bohmukyi Thit Htu Naing cu bomb in an puah caah a thi. Cun kalay peng thlanglei bokyi Thet Aung Khaing telh in PDF kalay nih an thah mi hna cu ni 19 rauh hnu ah an ruak pali cu nizan lawngah ralhrang nih an ruak an char hna i an vui hna tiah theih a si.

Chokhleipar |May12|2022

Sagaing ramthen Sarlinnkyi peng Yinmarpin lampi ah ralhrang pawl nih PDF pawl an hram in kan bongh dih hna lai tiah tlang a au pengtu bohmukyi Thit Htu Niang telh in bomb in an puah hna caah an thi mi pawl cu nihin ah an ruak thlah a si lai tiah chungkhar naihnuam pawngkam sin in theih a si.

May 10 ah Sarlinnkyi peng Yinmarpin lam ah ralhrang motor cu PDF nih bomb in an kah hna caah Kalay Tat-yinhmu bohmukyi Thit Htu Niang telh in tampi an rak thi. An ruak cu Monyua nah-makhah nih an lank hna i i nihin May12 ah ruak thlahnak an tuah lai tiah theih a si.

A nupi cu Kalaymyo in vanlawng in Monyua ah a rak phan.A nulepa a chungkhar hna cu Yangon in an rak i thawh lai tiah theih a si.May 12 ah an ruak pawl an thlah hna lai i an kir than lai tiah theih a si.A mah pa hi ralhrang nih uknak a lak mi a lungtling tuk mi a si.PDF pawl an hram in kan bongh dih hna lai tiah tlang a au peng mi a si.

Cu ve bantuk in Kalay peng thlanglei April 22 i kahnak ah a thimi ralhrang pawl ruak cu ni 19 a rauh hnu ah nihin lawng an ruak an lak khawh hna tiah theih a si. A ngaite ti ahcun an ruh lawng an va lak cang hna.Khit Thit Media

Be the first to comment

Leave a Reply

Your email address will not be published.


*