Phaisa kholh rian fial mi le fial chukcho a simi kanmah hna nih

Tulio Mi ţhenkhat kan i Hmuhning.2021 MAH le a hnuzul nih uknak an tlaihhrem ruangah nu pa thlulo tar no thlulo in dohthlennak ah i peih asi. Kawl thlulo tlangmi thlulo in mah le sining cioin doh le kalh cio asi. Hitin dothlennak tuahnak ahhin ramchung lei ummi nih an pumpak an i peih i do anthlen. Ramleng ummi nih ngeihchiah chawva le thliti khawhnak lam ummi paoh in i pek le bawmh cio asi. Hitin ralhrang miţhalo hna dohthlennak tuah mi hi mi tampi nih ramkhel rian, miphun rian asi tiah ruah asi i tuahcio asi.

Cucu thilţhatuk asi i kan tuahding kan rian zong asi. Cu belte hiti ramchung ral dohnak ahhin kan i fiang tawnlo mi le kan i ruahpalh tawnmi cu… Miphun caah maw doh kanthlen asiloah Uknak thlen duhah dah tihi asi. A taktak tiahcun kannih Chinmi telhin Indigeniou (Tlangcung miphun) kan caah cun “miphun le ram caah do kan thlen” asi i Kawl mi caah cun Uknak ţhalo “dohthlen” asi.

Hi sining pahnih hi an aa khatmi a lo nain aa khatlo, a naih belte an i nai. Cucu nihin Chin miphun tampi nih kan i fianglo. Cunak in a zual deuh mi cu “hi ral dohnak ah kan phaisa thazang maw a rianţuannak ah maw kan i teltum ve i cucu Politician/ramkhel rianţuan ah” kan i ruah colh. Hi tiang hi cu a poituk lo nain cutin phaisa tamdeuh hun thawh le phaisa kholhnak maw tlangtlaknak ahmaw hun hmandeuh le cangka in Vawlei cung ramkhel sining a fiang i a hngaldih mi bang kan holh kan chim hi asi.

Cubantuk minung cu Ramkhel rian/politics hi zeidah asi? Democracy, Federal system hi zeidah asi? tiah kan hal hna seh law a lu le taw hmanh kan hliah hoi lailo. Kan ral dohnak hi tei usih law zeidah a cang kho, sung usih law zeidah kan panh lai timi biahalnak khi cu a va thuk tukcang.

Cucahcun ka facebook hawi le hna tulio kan dothlennak le kan ral tuknak hi i fiang pah usih law i chek pah tuah usih. Phaisa kholh rian fial mi le fial chukcho a simi kanmah hna nih hin ramkhel thiamsang pipi bang i ruah le thil zeizong a hngal bang i umter ti hna hlah usih. Ral tuknak thawngpang kan theih khawh le Phaisa tampi kan thawhkhawh le tlang autu fial chukcho kan si khi ramkhel thiam kan siruangah asi lo cuh. I fahsak hlah uh mu.Crd.Peng Hlawnceu

Be the first to comment

Leave a Reply

Your email address will not be published.


*