Phakanh Ah KIA Nih SAC Ralhrang An Kah Hna I Tamtuk An Thi, An Cei Taktak

Phakanh ah KIA nih ralhrang uico pawl an phomh hhna i Ralhrang 25 nak tam an thih caah SAC ralhrang nih nih raltuk Vanlawng Jet Fighter pahnih bak a hman tiah theih a si.

Kachim ramkulh Phakanh peng Sezin hmun ah KIA nih ralhrang uico pawl cu July 16 thawk in an kah hna i July 17 tiang i kahnak a fak taktak i ralhrang uico lei minung 25 nak tam a thah khawh hna tiah khuami hna nih an chim.

Ikahnak ah cun SaC ralhrang pawl cu Sezin khuate ah an taap i an chuah khawh tinlo caah Cunglei Raltuk vanlawng Jet Fighter pahnih in July 17!8am tluk ah ah bomb pathum a rak thlak piak hna tiah khuami nih an chim.

Ia kahnak cu zinglei pa7am tluk in Sezin khuate in meng khat tluk a hlatnak ah KiA nih an kah hna. Ralhrang hi a thimi an tam kho taktak. Chuahnak zong an ngeih lo caah Sezin khuakam tiang an hungbphanh. Cuka hmun in chuahnak an ngei ti lo i an taap cang caah cunglei bawmh an hal hna i si lai cu Vanlawng Jet Fighter in a thaizing suimilam 8 am tluk ah a rak kah hna tiah khuami pakhat nih a chim.

Ralhrang rallam a sermi hna hi Sezin khua in Haungpar khua lei ah July 16 in a kalmi hna an si i KIA nih lampi ah an rak kham hna i an rak kah hna hi a si. Ralhrang cu a thimi an tamtuk cu hmaifawng kho lo in an tam. Haungpar khua lei in ralbawm zong an auh hna caah a tutiang hi i kahnak a zualhma ngaingai kontiah theih a si. Ref-Khitthit

Be the first to comment

Leave a Reply

Your email address will not be published.


*