Philh Khawhlo Zaan~Kan mit laifang in fek te kan hun i zoh

Philh Khawhlo Zaan

Duhnak timi ka ruah fatin, bialehnak ka chuahmi pakhat cu ai duhbak ko i ai dawbak ko mi hi cu an i co hrimhrim ko lai tiah tleirawl ka si lio i ka ruahmi le bialehnak ka rak chuah tawnmi asi. Cuti ka ruahmi cu keimah pumpak ruahnak asi i na palhtuk ti zong nan ka ti ko lai ( dah )! Sihmanhsehlaw, duhnak taktak le dawtnak taktak a umlo ahcun nungak thianghlim kan sinak hi a sawhsawh in kan pe siang in kan pe ngam hna hnga maw? timi zong ruah-awk tlak asi ve ko hnga…

Kan mit laifang in fek te kan hun i zoh. Kan thawchuah le kan thintur ningcang cu kan i zohnak in kan i fiang veve. Tlawmpal ah a von ka naih, a hun ka kuh i a hun ka reh chih. Ka thi a lin. Ka ton bal lomi nuamhnak nih ka pumpuluk a ka tuam dih. Ka tha hna a thir. Ka feeling kai a hun theih in a ka kuhreh ningcang le a ka tonghtham ningcang, a cawlcangh ning pawl cu a hun thlen. A tha a tho chinchin. A ka dawtnak zong a thuk chinchin ve. A nupi si dingin a ka thimnak zong a langhter colh. Ka ton bal lomi lawmhnak, nuamhnak le diriamhnak in hnangamnak nih ka nun a cul dih. Tlawmpal ah kan lung a hung fim. Zak nawn in kan i zoh pah, dawtmi he a dai ngai mi innkhan pakhat chungah duhbia phai pah in saduh kan that ti. Ka mitsir in ka zoh caan paoh ah, a mitsir in a rak ka ngiat peng ve rua, kan mit ai tong peng. Dawtbik mi he hmunkhat umti a nuamhning, zeikar ah khua a dei manh zong kan theilo. Fiang tein chim ko ahcun zeidang nakin dawtmi he hmunkhat umti le bia zaza i ruah le i kuhreh rumro lawng ka duh cang. Phundang in chim ahcun rawl-ei tidin nakin dawtmi he hmunkhat ah umkal ti le a parpazik tiang nuamhnak tuah nih a ka thawt deuh ( cang ).

A thaizing cu dawtmi he kan riahnak hotel in Gerizim tlangcung lei ah kan kai. Tlangpar cun khuaza kan cuan. Fing le tlang cuanh ah voidang nakin ai dawh khun mi ka lawhter hna. Tlangtang ah dai tein a luangmi tiva hun zoh ko ah ai dawh a zual hringhran. Ka hmuhmi thilkip hi ka thinlung lawmhtertu lawng te an si. Dawtmi nih a hun ka kuh pah le ka baan/kut in a hun ka tlaih caan i Cameron tiah din tein a hun ka auh caan paoh ah ka lungtur ai phundang, ka thisa a lin i ka tha a thir bantuk khin ka um peng. Zahan, zaantim i Abal hotel room 47 chung i dawtmi he pardawh kan khiah zaan… Ka nunchung ah philh awk a har hringhran.

Ka rimhmui dawptu,Ka pardawh khiaktu
Cutin,chun zaan mang na uk Asi, ka tuanbia khongtu na si.Credt-The Riak cafung le cahsng Dor Tete

Be the first to comment

Leave a Reply

Your email address will not be published.


*