Pu Denial Sakhong: CDF Ah Si Loin CNA Ah Rak Lut Deuh Uh

Pu Denial Sakhong: CDF sin loin CNA tu ahhin rak lut deuh uh.

CNF in ramleng lei Chimnak nawlngeitu Pu Denial Sakhong nihcun mah bantuk bia a chim hi kharuahhar ngai a si ko, mah bantuk bia hi a tu ah a chim rih awk a si lo a timi tampi an um.

Pu Denial Sakhong nihcun a tang lei bantuk in a tial. Chin Pasaltha, Nusalttha hna, ka Chin miphun caah hlawhtling deuh, santlai deuh ding in, ka ttuan lai, ral ka do lai na ti ah cun CDF ah si loin, CNA tu ah rak lut uh law kan duh deuh. KumĀ 3 hnu ah duh ah cun chuahtthan khawh a si.

Mahhi lio can ah nunnak thap in CDF ah a lutmi hna le nunnak a liam cangmi CDF hna an hmai khah a si lo ee tiah an comment len.

CDF le CNA kar ah hmuh thiam lonak hna a chuak sual timi phan a um ngai. CDF nih a tam deuh cu raltuknak lei ah CNA thithruainak tang ah an um rih ko hna. Raltuknak hmun ahcun CNA nih an thithruai rih ko hna. Hmailei belte ah zei an lawh lai cu theih a si lo.

Minung cu a tlingmi ho hmanh kan um lo. CNA zong an tling dih lai lo i CDF zong an tling dih lai lo. CNA zong an chambaunak tampi a um lai bantuk in CDF zong an chambaunak tampi a um ve ko lai.

Be the first to comment

Leave a Reply

Your email address will not be published.


*