Pu Htet Ni ~ Miphun Dang hriamtlai lak ah Hriamnam Thalo Bik Kan Si Ko Nain A Thawngbik Kan Si

Pu Htet Ni: Hriamtlai bu dang sinah cun kannnih kan hriamnam cu chim tlak a si rih lo.

Kan hnu ah khan The Chin Post nih CNF in chimnak nawl ngeitu Pu Htet Ni cu interview an tuah i an thazang kong ah a tang lei bantuk in a chim.

Chinram ahhin hriamtlai Chin ralkap hi 10,000 leng hrawng cu kan um ko. Kan milu cu kan za ngai ko. Chinram ah milu ting 4 reng lo deuh kan um i cu chung ah ralkap 10,000 hrawng kan um ahcun a za ngai ko. Kan i veng kho ko lai tiin ka ruah.

A sinain kan hriamnam he tlangcung miphun dang hriamtlai hna sinah cun chim tlak a si rih lo. Milu cun kan za pah ko nain hriamnam hi kan i daih lo tuk rih. Hriamnam i daih tein sisehlaw kan thazang hi a za ngai ko hnga tiah Pu Htet Ni nihcun a chim.

Sinain Kawl ralkap nih nikum ah uknak an lak hlan le uknak an lak hnu kan hriamnam le kan thazang tu cu ai dang tuk cang. A hlan nak in kan hriamnam cu a let tampi in a tha deuh tiah Pu Het Ni nihcun a chim chap.

CNA hi ral pahnih pathum hrawng an ngei. Tlang lei ah AA ral an ngei. A luan cia can lio ah Paletwad peng ah AAcawlcanghnak vialte kha theih peng a si. AA hi kah a hau te ding mi an si.

Chak lei Tedim peng ah ZRA le Kahte tapung an um hoi. Nai hrawng an i kap cang. Nizan zong ZRA le CNA kar kahnak ah CNA pakhat nunnak a liam. ZRA he hin i kah peng a hau ding mi an si fawn.

Khat lei ah Min Aung Hlaing ralhrang a um rih fawn. Min Aung Hlaing ralhrang he i kah peng hau ding an si fawn. Min Aung Hlaing hi an ral ngam bik cu a si.Tihin CNA kan Chin ralkap hi ral nih an kulh peng hna. Chak lei ah ZRA le Kahte tapung, Thlang lei ah AA hriamtlai.

Nichuah lei ah Min Aung Hlaing ralhrang an si. Cu ruang ah kan ralkap thazang hi a thawn bak a hau. A thawn lo ahcun Chin miphun kan him lo tinak a si ko

Be the first to comment

Leave a Reply

Your email address will not be published.


*