Pu Ngun San Aung Nih Khuate Lei Siangngakchia Bawmhnak A Chuh Dih Hna

Min Aung Hlaing naupa Pu Ngun San Aung hi a sual kho taktak. Mipinlei in a tang duhlo hlei ah tu batlntuk in ralhrang nih rian khinh mi a tlaih lawng si lo i naitan ah ramleng NGOs nih khuate lei sianginn kai mi siangngakchia bawmhnak thilril vialte cu cu a tlaih piak dih hna tiah thawngpang theih a si.

Ramleng lei NGOs nih Chin ramkulh chung khuate lei sianginna kaimi siangngak chia hna caah tiah bawmhnak an pek mi ballpen, cauk le a dangdang sianginn herhbau vialte cu kan hnung thla lei hrawngah khan voikhat cu motor khatlak in Hakha in Gankaw lam chuahnak ralhrang hngak buk ah an tlaih tiah theih a si.

Cu nawmhnak an tlaih mi kongkau he pehpah in Ralhrang kuttang rian tuantu Pu Ngun San Aung cu an va ton tik ah a tanglei bantuk in a leh hna. Tutan nan phorh mi thilril vialte hi khuate lei siangngakchia nan pe kho hna lo. Halha in khuate lei hrimhrim ah an chuah pi lkho lo. Ralhrang kut in lakthan nan duh a si ahcun mah thilril vialte cu Hakha sianginn No1 ah nan hlut dih lai. Nan hlut dih lawng ah kan in pek than hna lai tiah Pu Ngun San Aung nih cun a leh hna tiah theih a si.

Nain NGOs pawl nihcun an thluak an chuah ve a si ahcun Hakha um ngaktah sianginn pawl kha kan phawtzamh ko hna lai ta. Khute lei cu kan kalpi lai lo tiah an va ti hnu lawngah PU Ngun San Aung nih mah thilril pawl cu a pek than hna tiah chungtel pakhat a thei mi nih a kan chim.

Kan hnuzarh zong ah khan ramleng NGOs bawmhnak motor pakhat cu Hakha in Gakqw lei chuahnak gate ah an tlaih than tiah kan theih. Hi kong ah hin zeihmanh thawngpang a chuak rih lo. Ralhrang lei nih an pek than hna le pek than hna lo theih khawh a si rih lo.

Pu Ngun San Aung hi Chin mi pakhat a si ve ko i tu bantuk in ramleng lei NGos nih khuate lei siangngakchia ralzam hna bawmhnak tiah an pek ko mi ralhrang nih an tlaih hmanh ah a mah nih ralhrang kut in a chanh hna ding a si tiah Mawtchiat atong ngaingai. Chief minister pakhat dirhmun a si ko nain tubantuk bawmhnak pawl a mah lehlam nih a tlaihpiak hna tik ah ralhrang nak in a lungput a chia deuh timi cu theih khawh bak a si ko.

Pu Ngun San Aung hi ai ruah ning bantuk in a si ti lo tik ah A Pu Min Aung Hlaing bantuk in hramhram in Chin miphun cung zongah sual a timh ve cang ko hlah maw ti awk in a lungput a um cang khua amah he naiihniam pakhat nih the a chim.

Be the first to comment

Leave a Reply

Your email address will not be published.


*