Pu Ngun San Aung zong hi ralhrang nih a rian an phuah chom te ko lai

Pu Ngun San Aung zong hi ralhrang nih a rian an phuah chom te ko lai.Pu Ngun San Aung hi ralhrang nih a rian an phuah chom te men ko lai tiah zumh a si cang. A ruang cu a tuan khawh mi rian a um lo caah a rian phuah khawh a si cang.
Chokhleipar

Kan hnu zong ah khan Kayah ramkulh Chief Minister, Karen ramkulh Chief Minister le Yangon ramthen Chief Minister pathum kha ralhrang nih an rian in an phuah cang hna. An mah an rian an phuah mi hna airol ah Kaw ralkap bawi hlun pawl kha rian an pek hna.

Kayah ramkulh ah ralhrang pawl ral an tuknak ah an sung tuk cang. Cu ruang ah ralhrang pawl tamtuk an thi. Kayah ramkulh Chief Minister pa nih ralhrang hna an himnak ding in rian a tuan khawh lo caah a si lai tiah zumh bik a si.

Karen ramkulh Chief Minister zong ralhrang nih a rian an phuah. An mah nih an thimmi hna si ko nain a rian an phuah. A ruang cu Karen rammuh chung ah KNU le ralhrang i kahnak ah ralhrang tamtuk an thi. Ralhrang pawl an nun a him ti lo. Cu ruang ah Chief Minister pa hi a rian in phuah a sinak a si lai tiah an zumh.

Yangon ramthen Cheif Minister zong ralhrang nih a rian an phuah ve. Yangon cu sipuazi lei ah a biapi bak mi khuapi a si. Sipuazi lei a kalpi khawh ti lo caah a rian in an phuah a si lai hi zumh a si bik.

Ralhrang nih nai hrawng rian an phuah mi hna an tam ngai. Luban a tlaimi minung tampi rian an phuah hna. A ruang cu an rian ah an fel lo, an rian tei an ma lo, zumh awk an tlak loh ti kha a si ko.

Cu ruang ahcun ralhrang nih rian pekmi Chin state Chirf Minister Pu Ngun San Aung zong hi a rian an phuah chom lai tiah zumh a si. A ruang cu Chin ramkulh chung ah ralhrang pawl an sung tuk. Ralhrang tamtuk an thi. Uknak lei ah zei hmamh an kalpi kho lo. Ngun San Aung nih a tuah khawh mi thil a um lo. Cu caah a rian an phuah lai hi zumh a um bak.

Be the first to comment

Leave a Reply

Your email address will not be published.


*