Skip to content
Home » Pu No Than Kap Hi Ralhrang Tuahmi Thimnak Ah A Lut Te Kho Men

Pu No Than Kap Hi Ralhrang Tuahmi Thimnak Ah A Lut Te Kho Men

Pu No Than Kap hi Kawl ralhrang nih thimnak an tuah tikah PM ai cuh te men lai, thimnak ah a lut te men lai.

Myanmar ralkap nih uknak an lak hnu ah thimnak committee tlaitu thar an ser hna. Cu hna nihcun Kawlram thimnak hi PR in kan kalpi lai tiah an ti. Mah bantuk PDR thimnak hi Pu No Than Kap zong nih a cohlan ngai. Mahhi PR thimnak hi kan caah a tha tuk timi zong voi tampi a aupi cang.

Cu caah Kawl ralhrang nih a ra laimi can ah thimnak kan tuah lai i PR kal ning kan hman lai an timi hi Pu No Than Kap nih a duh mi le a tha a timi a si caah thimnak ah khin a lut te men lai tiah zumh a si.

Min Aung Hlaing nihcun tukum kumthar ah khan kum 2023 August thla ah ram pumpi thimnak kan tuah lai tiah a rak thanh. Ram pumpi party tling thimnak kan tuah lai i teitu a simi party sinah thimnak uknak kan up lai tiah a rak chim cang.

Kawl ralhrang nihhin thimnak kong ah party pawl meeting ah an auh lengmang cang hna. Kawlram chung ah party 90 leng an um. Cu chung ahcun party 50 hrawng hi ralhrang meeting ahcun an kai tawn.

Pu No Than Kap zong ralhrang nih an uah mi party kip tonnak ah khan CNLD min in a mah nawl in Nay Pyi Taw ah meeting a va kai. Chinmi tampi nih an soisel i hawikom hlun pawl an kut ka va tlai ta hna i a si ko tiah a rak i phisin bal.

Ralhrang nih thimnak kan tuah te lai an timi hi an tuah kho taktak lai zong zumh a um lo. A ruang cu hmunkip ah kahnak le buainak in a khat cang. Kum 2023 ahcun kahnak le buainak a fak chinchin lai caah thimnak an tuah khawh lai zong zumh a um lo.Cred-Thestar

Kan ithawh deng ah khin khuami pakhat nih a rak tli I arti pumhnih lampi ah va ding te tiah a ka pek Chinland Army Kalaymyo