Pu Than Hmung~ Kai Ka Chim Bik Ton Mi Cu Ralkap Hi Doh An Hau Lo no

Pu Than Hmun-Kei ka chim bik tawn mi cu Kawl ralkap hi doh an hau lo. A ho Laimi zong nan nun phung in nan nung kho lo an kan ti bal lo i Biaknak lei zong ah Afgan, China le Africa bantuk in Pathian nan bia kho lo tiah Biakinn chung ah luh hnawh in a ho Laimi zong an kan that bal lo. Fim cawn nak lei ah CCU tiang kan dirh i hna an kan hnawk lem lo. Kawl ralhrang doh nak ah kan hman mi dollar vialte hi kan Chinram Remh nak ah hmang uhsi law kan ram hi a nuam tuk ko lai ka ti tawn. Hi bia ka chim ruang ah hin thah tlak a si an rak ka ti phah.

Khuate um mipi kan temtuar nak na ti mi hi a tak2 ahcun keimah tluk a temtuar mi nan um lai lo tiah 100% in ka chim ngam mi a si. Ka temtuar nak a rak fah tuk ruang ah khuate mipi zawn ruah in hi bia hi ka chim mi a si. Ralhrang doh in Laimi kan Sui kan Ngun bantuk a si mi kan fa kan nau hna an thih phah lengmang nak cun hi zat liangluang Laimi dollar hin Hakha ah Art and Science University dirh uhsih, ramdang phan Laimi Medical Doctor , SecularDoctor, Engineering le Business thiam sang2 pawl hi Principle le Lecturer ttuan ter hna usih, kan lam kan sul le kan ti kan mei special in remh usih law Kawl ralkap cu kan herh ti hna lai maw. A ra lai ding mi problem kha tuak chung a herh lo. A chuah tikah hrial nak ding lam kawl awk a si.

Salai Lungthli tum –Pu Than Hmung, ka pa, nang hi Chin party le miphun a tanh takmi na si i party kong ah cun kan ruahnak a rak i dang ngai tawn ko. Nain, tutan raltuknak kong ah cun kan ruahnak ai lo taktak. Na ca tialmi ka rel tawn i khua thuk piin na ruat timi ka hmuh.

Kap khat lei lawng in khua a tuakmi Laimi tam deuh nih cun na chimmi an cohlang kho lai lo, dalan tiah thah an in duh ko lai. Nain, biadik cu caan saupi a rau hnu lawng ah i fian cio a si i an in tlerhnak kha i fahsak hram hlah law.

Be the first to comment

Leave a Reply

Your email address will not be published.


*