Putin Nih Mangtara Tihnung Russia Mipi Caah Upadithar A Ser

Russia president Putin cu khuaruahhar bak in aa chuahsual ko cang. a ralkap pawl nih an zaamtak tuk cang caah a tuhi a lungrethei tuk cang i a thar un ralkap uknak phungthar a serpi hna tiah theih a si.

Russi ah ralkap sikan pawl an zulh duh ti lo. Ralkap chung in a zaam mi an tamtuk cang caah fakngai in dantatnak tuah khawhnak phungthar upadi cu September 20 ah an fehter cang tiah Russia cozah thawngzamh ca pawl nih an tial.

Mah Uladi an serchuah ning ahcun Ralkap tuan ding ah aa ghuh mi le ralkap chung in a zaam mi hna cu kum 15 thongthlak ding tiah an fehter i hriamnam a tlau mi a um a si ahcun a tlaumi hriamnam ning in a tlawmbik kum 5 in kum 15 thawng thlak ding in fehternak an tuah.

Russia nih Ukriane a kahnak ah Russia ralkap pawl a thongthong in an hriamnam meithal an chia ta i an zaam hna. Ralkap tuan duh ti lo in Russia ram ah a zaam mi tampi a n um tiah theih a si.

Kharkive le Kiev khuapi kahnak ah Russia nih a hriamnam thazaang 40% tluk a sung lai. Cucaah Russia nih a tu bantuk in uoadi thar a suai hi a si. September 21 zingka ah President Putin nih lethmanh a thut lai i updai cu a nung cang lai tiah Ruamssia Hlutdaw committee ohkathah nih a chim.

A tu ahcun ramchungah ralkap luh dingah auh ding timhtuahnak a um rih lo. Nain peng chung cheukhat ahcun Martial Law a chauh zong kan chuah te kho men tiah Bochoh Angdrica nih a chim tiah Russia thawngzamh ca nih cun an langhter.BNN #russiainvasion #belarus #Russia

Be the first to comment

Leave a Reply

Your email address will not be published.


*