R. I. P.: Kan Miphun Rlkap Paraltha Minung 2 nih Tuchun Ah Ram le Miphun Ca ah an nunnak an Pek Tthan:


PDF-Gangaw In Minung 2 Nih Ram Le Miphun Caah Nunnak An Pek, SAC Ralhrang Thimi An Um Ve!Magway ramtthen Laung Shee (Yaw) peng ni 2 chung kahdohnak ah PDF- Gangaw Battalion-6 in minung pa(2) nunnak a liam tiah, December 13 ah thawngthanhnak an tuah.

December 10 le 11 ah Laung Shee (Yaw) lei ah hmunhma lak ah ra mi SAC ralhrang pawl le tualchung hriamtlai phu karlak ah kahdohnak fakpi a chuak i tualchung hriamtlai phu fonh nih hriamngan le Bomb puahhnawhnak in SAC ralhrang 5 an thi i, 13 nih hliamfak an tuar tiah theih a si.

SAC ralhrang nih an fah caah RPG 7, 60MM hriamngan pawl hmang in an kah ve hna i ralhrang thazaang zong an chap. Ralphaw i tlaihkhih a tongmi hna mipi cheukhat zong an thlah thanhna i, minung pakhat tucu thlah lo in Ngiangpin (ညောင်ပင်) khua ah an kirthan tiah theih a si.

Hi konghe pehtlai in Gangaw-PDF Battalion 6 in minung(2) nunnak a liam i, kan i tinh mi (Federal Democracy) kan phak hlantiang ngawl lo in hmai kan nawrchin lai tiah (LSRPDF) nih thawngthanhnak an tauh.

CDF Mindat Nih SAC Ralkap 3 An Kah Thah Hna, 2 Hliamhma Fak Ngai An Pu. SAC ralkap 200 hrawng cu Mindat nitlaklei meng 5 le farlong 5 a hlatnak ah CDF Mindat nih December 13 chun ah an kah hna, tiah theih a si.

Cu kahdohnak ah SAC ralkap 3 cu a hmun ah an thi i, 2 hlimahma fak ngai an pu. Cu hnu tlawmpal ah SAC ralkap Battalion 274 nih hriamngan in an kah i hriamngan kuan a tlaknak khua zong kan hlathlai cuahmah, tiah CDF Mindat in chimphuannak nawlngeitu nih a chim.

A luancia November thla thawk lioah SAC ralkap le CDF Mindat karah Palungtwe(ပလုံတွီ) khua ah kahdohnak a rak chuak i, thla khat tluk kahdohnak a daih hnuah atu bantukin an i kah ṭhan hi a si, tiah theih a si.December 13 kahdohnak ah CDF Mindat lei in a thimi le aa hliammi kan um lo, tiah CDF Mindat nih cathanh an chuah.

Hramhram in uknak a latu SAC nih an tlaihmi hna PDF-Kalay sii lei hriamtlai nu 4 cu an hma an tuar ko nain SAC nih sii thlopnak nawl a pe hna lo tiah Kalay khuami pakhat nih The Irrawaddy ah a chim.Sii thlopnak nawl a ngah lo mi nu 4 cu Lalmuankimi, Lalthanhluii le Lalpianfeli le Niang Don Ciin hna an si.

Anmah hna hi SAC nih an tlaih hna lio ah bomrap ci nih a peh hna i an i hliam ko nain an hma a dam tiang SAC nih a thlop ter hna lo tiah a chim.Lalpianfeli hi hngakchia thonginn ah facang tun hna a cawi, ṭuang hna a ṭaih caah tai fah zawtnak a tuar tiah an chim.Niang Don Ciin zong biahalnak lio ah an hrem tuk caah a mit le a hna theihnak a rawk ngai cang tiah theih a si.

Anmah 4 hna i Chin miphun nu 5 he 2021 November thla ah SAC ralkap nih PDF-Kalay B03 sakhaan an rak luh hnawh hna lio ah tlaih an rak tong.Cu Chin miphun nu hna cu SAC ralkap nih hngakchia thonginn ah sual phawtnak 505 A, 50 (J) le 52 (D) hna in 2022 November thla ah thong kum 12 dan an tat hna.

 



Source link

Add a Comment

Your email address will not be published. Required fields are marked *