Rak kan kawl pi cio ulaw – Thawngpang Dik Thanh Hna Usih


Decmber 14: Tuchun ah Hakha khualipi chung ah tleirawl kan LAINU pakhat cu a tlau e tiah theih a si. Cu a tlaumi kawl khawhnak ding ah Rev. F Za Thang Nih Mahtihin bawmhhalnak a fb cahmai ah a taar

Mitlau kawlnak
Hausen khuami kan fanu te Hakha Phydawtha sang dawr an vahnak ah a chungkhar he an i thlau. Thinlung lei hawi a phan deuh lo mi a si caah nan hmuh ahcun a tanglei phone no ah thawng kan thanh sawh te u. Angki leng a hring mi aa hruk lai tiah a chim i.

a hmu mi poh nih a tanglei phone number hin nan kan bawmh lai tiah an chim. Biatak in ral kawlpi cio hna usih. Atang lei hi phone number kan taar chih 09400302809

India Le Tuluk Kar Ah Buaibainak A Chuak Than!A luancia december 9 lio ah khan India ramchung ah lut aa timmi Tuluk (China) ralkap pawl kham a timtu hna India ralkap cheukhat cu hliam an tuar tiah India ram hmunhimnak vuanci (Defense Minister) nih a chim.

A tu bantuk in ramhnih karlak ralkap hna buaibainak a um hi 2022 kum hnu in a voi khatnak a si.Cu buaibainak cu India ramchung “Arunachal” state chungah ummi “Himalayas” tlangcung ah a si i Tuluk ram in cun thlanglei ah a hawng si. Tuluk nih keimah ram tiah a chim.

India ram hmunhimnak lei i thawngthanhnak nihcun ramri hmunhimnak ding caah hmaitonh in i ton a si i kaphnih lei ralkap hna karlak ah i thonghnak le vuaknak a chuah caah lung a tamnak hmun vulei ah an tlukrilh ruang ah hliamtuar an tam. India ralkap lei in a tlawmbik ‘Dozen’ cheuhrawng nih hliam an tuar tiah a langhter.

“A caan ah cheukhat hmunhma hna cu kanmah ram a si kan ti bantuk in a caan ah cun an nih zongnih kanmah ram an ti ve ruangah a si” tiah a hram lei thawngla tu hna nih an chim. A tu buaibainak ruangah hliamtuar mi an tam nain hliamfak cu an umlo tiah an chimchih.

2020 kum lio zongah India ralkap hna cu ramri hmunhimnak an tuah lio ah kaphnih lei in thongh/vuaknak a rakchuak i India ralkap lei in minung 20 an rak thi. India le Tuluk (China) ramri cu meng 2360 a si, tiah theih a si.

December 13, nihin chun ah CDF-Mindat le SAC ralhrang karlak ah kahdohnak a chuak i ralhrang 3 an thih pin ah 2 nih hliam an tuar tiah CDF-Mindat nih thawngthanhnak an tuah.

“SAC ralhrang thazaang 20 tluk cu Mindat khua in nitlak lei (meng 5 le falung 5) hlatnak hmun ah tualchung hriamtlai phu hna nih an kah hna hnu ah ralhrang 274 Battalion nih hriamngan in an kah hna caah khuate lei cheukhat zong a tlakchih hna i hlathlainak kan tuah cuahmah lio” tiah CDF-Mindat biachimnak nawlngei tu nih a chim.

A luancia, November thla ah khan Palungtwe khua ah CDF-Mindat le SAC ralhrang karlak ah kahdohnak a rakchuak i thlakhat chung nawn kahdohnak a daih hnu ah tuni kahdohnak a um tthan hi a si.Nihin chun kahdohnak a daih hnu ah tualchung hriamtlai lei in aa hliammi umlo te in hnulei kan kirthan kho tiah CDF-Mindat nih thawngfiang an thanh.



Source link

Add a Comment

Your email address will not be published. Required fields are marked *