Ralhrang Min Aung Hlaing Nih AA Fakngai In A Hlen Diam Hna’ Ciap Hna Seh an ti dih

SAC Nih AA Chungtel Thongtla 17 Kan Thlah Hna Tiah An Thanh Nain 3 Lawng An I Tel

A luancia November 17, national day lio ah SAC ralkap nih thongtla mi hna chung in AA chungtel 17, KIA 20, RCSS/SSA 5 le KNU/KNLA 2 kan thlah hna tiah November 18 ah cathanh an rak chuah.

SAC nih AA chungtel 17 kan thlah hna tiah an thanhmi chung ah AA chungtel 3 lawng an i tel i, a tangmi minung 14 cu tualchung mi an si tiah nihin November 28 ah tuahmi AA thawngfianternak hmun ah AA in chim phuannak nawl ngeitu Khine Thu Khah nih a chim tiah theih a si.

“SAC nih an thlahmi hna chung ah kanmah AA in minung 3 lawng an i tel, a dang cu ULA/AA nan si tiah an rak puhmi tualchung mi an si. Kanmah lei in luatnak a hmutu hna nih cun headquarter ah theihternak an kan tuah, midang tualchung mi tu nih cun kan sin ah pehtlaihnak a kan tuah lo” tiah a chim.

“SAC nih ULA/AA chungtel tiah min bunh in tualchung mi sawhsawh cung ah tlaihkhihnak a tuah, cozah rianáš­uantu hna zong an i tel i tlaihkhih a tongmi dihlak chung in minung 85 an thlah hna” tiah a chimchap tiah theih a si.

Rakhine ramkulh ah SAC rallap le AA kaphnih kar kahdohnak a daih caah SAC nih tlaihkhihnak a tuahmi tualchung mi hna thlahpiak ding ah khuami le tlaih a tongmi chungkhar hna nih an i ruahchan tiah theih a si.Credit- Thechinpost

Add a Comment

Your email address will not be published. Required fields are marked *