Ralhrang Min Aung Hlaing Sawmnak cu KNPP nih dawh tak in an leh ko hih

Ralhrang Min Aung Hlaing nih dainak kan tuah hna lai tiah tlangcung hriamtlai pawl sawmnak a tuah mi cu KNPP nih dawh taktak in lehnak a hun tuah colh ve cang. Ralhrang chung in a zaam mi le a thimi pawl an tamtuk cang caah uico MinAung Hlaing nih tlangcung miphun hriamtlai pawl lemnak a tuah mi a si tiah KNPP Secretary-1 Khudania nih Kantarawaddy times ah a chim.

Ralhrang chungah buaibai nak le sungh zatlaknal a um cang . Cun a thi mi le a zaam mi an tam tuk cang. Cucaah tlngcung hriamtlai phu le ramkhel pawl sin ah a tu bantuk in lemnak a tuah mi a si cang tiah KNPP Secretary-1 Khudania nih a chim.

April 23 tiang ahcun ralhrang uico lei sin ah phungning cakuatnak le sawmnak cu kan don rih lo an kan sawm zongah ton biaruah ding kan i tim lo tiah KNPP lei nih an chim.

A ruang cu ralhrang uico Min Aung Hlaing nih a chim mi remdaihnak timi hi a chim ning le a tuahsernak he aa khat lo.Ram pumpi mi zapi nih tutan cu ralhrang doh a si caah remdaihnak tuah a si ahcun hriamtlai vialte pakhat hmanh tang lo in an i tel lawngah a si kho lai tiah Secretary-1 Khudania nihcun a chim fawn.

Min Aung Hlaing cu a hmurka ina chimnak le a tak i a tuarsernak ai dang. Tutan cu tlangcung hriamtlai phu nih kan doh mi si lo in ram pumpi mi zapi hrim nih doh mi a si caah hriamtlai vialte an i tel dih lawngah biaruahnak hlawh a tling lai tiah a pehchap.

Be the first to comment

Leave a Reply

Your email address will not be published.


*