Ralhrang Nih A Tomtom In An Kal Hnawh Hna Caah CDF-KKG nih an hngakbuk an Chuahtak

Ralhrang khah-lah-Yah 50 in hico pawl nih thazaang a tomtom in an kan nam ruangah hngakbuk pakhat kan chuah tak tiah CDF-KKG nih thanh.

Gankaw peng chung i ralhrang uico Khah-la-Yah 50 in uico thazaang a tomtom in an KKG-CDF cu an nam hna caag July 3 ah hngakbuk pakhat cu KKg-CDF nih an chuah tak.

Huly thla nikhat zingka suimilam 6 an tluk ah ralhrang uico thazang milu 50 tluk nih Sumsi khua le Aungmin khua karlak i CDF-KKG tat-yin 6 hngakbuk gate cu an nam hna i an kah hna. Ralhrang he cun suimilam 7:20 amtluk in i kahnak a chuak i suimilam cheu tluk an i kap hna.

Milu thazaang le hriamnam thazaang an i tlau tuk caah CDF-KKG nihcun an hngakbuk gate cu an chuah tak. Cuticun ralhrang cu Aung Min Khua ah hmunkhuar in a ummi hna cu CDF-KKG le PDF i fonh nih kah an timh hna nain ralhrang pawl nihcun mi sawhsawh ralhmainah an hman hna caah kah kho lo in an um than.

Nain Aungmin khua i hmunkhuar mi ralhrang pawl pawl cu chunhnu in Okphu khua lei ah an kal i cu ka hmun an kalnak ahcun CDF-KKG TAT-Yin 6 le PDF Gankaw i fonh nih an kah hna i suimilam cheu tluk i kahnak a chuak. Nikhat chung i kahnak ah hin ralhrang lei a thimi zat fehhter kgawg a si rih lo tiah CDF-KKG nih cathanh an chuah.

I kahnak ah CDF-KKG le PdF lei chungtel pakhat hmanh hliamtuar um lo in hnu an i thawn kho. Nain vanchiatnak ah ralhrang nih mi sawhsawh pakhat ral hmaiser ah an tlaih i cun Shauhpin khua i mipi phone pawl an lak tiah theih a si.source-Khitthit

Be the first to comment

Leave a Reply

Your email address will not be published.


*