Ralhrang Nih Falam Sianginn A kaimi Siangngak Chia Meithal In Kah An timh hna

Chin ramkulh Falam khuapi HighSchool Sianginn kalnak lam ah siangngakchia tlethnak catial an hmuh. Mah siangngakchia tlerhnak ca nih hin mipi thinlung phundang ngai in a lau ter taktak.
Chokhleipar

Chin Ramkulh Falam khuapi highschool no 2 sianginn kam ah nixan June 13 ah puahkehnak thawng pakhat a thang i cuticun ralhrang uico pawl nih meithal tam nawn sn puah le tiah theih asi.

Tuni June 14 zingka ah Highschool No 2 sianginn kalnak lamkam ah siangngakchia tlethnak ca pakhat an tar mi siangngakchia pawl nih an hmu i sianginn lei kalngam ti lo in hnu sn kir than hna tiah theih asi.

Lamkam i ca an tar mi ahcun Sianginn kai hlah uh, Famlam min a chia. Nan fale an ruak in hmuh nan duh hna si ahcun sianginn kai ter hna uh tiah an tial. Hi kong he pehpah in CnO hruaitu pskhat nih tubantuk catar mi hi kanmah nih zeihmanh kan thei lo. Ralhrang lei zong in an si kho i mipi lei zong in an si kho tiah a chim. Cun Falam khuapi chung ah June 14 Thawk in zan suimilam 8 hnu ah leng chuah tilo fing in mipi sin ah ralhrang nih thawngthanhnak an tuah.

Ralhrang hi an zertuk cang caah tutan catar mi zong hi snmah ralhrang lila nih Chin ralkap puh hnaseh tiah a thlithup in mipi hlennak ding caah an tuah mi a si lai tiah zumh asi. A ruang cu puahkehnak voikhat a um hmasa mi zohtik ah ralhrang uico mi mipi ralkap puh dinh in an thluak in mipi lila an kan hlen mi asi.Source-Zalen

Be the first to comment

Leave a Reply

Your email address will not be published.


*