Ralhrang Nih Mino Pa4 An Kut Tem Buin Thilak An Kah That Hna

Phakanh ah mino pa4 an kut tem bu in meithal in thi lak an kah hna.

Chikhleipar
Phakanh peng seihmoe khaute ahbnizan May 31 zanlei ah tiva hlei tangah mino pa4 an kut hri in tem bu in an kah that mi hna an ruak kan hmuh tiah khuami hna nih an chim.

“Nizan zingka 8 am ah meithal thawng kan theih hni tyzing ah cuka hmun hlei tangah cun mino pa4 an kuttem bu in meithal in an kah that mi hna an ruak cu kan hmuh” tiah mitthmutu pakhat nih KNG news ah a chim.

Meithal in an kah that mi hna hi kum 20-30 karlak hrawng an si lai. An pa4 ning in an lu cu an hlawt hna tiah theih a si. An ruak hmuh mi hna cu zeibantuk minung bu chung an si timi cu theih an si rih lo caah a tu hi hlathlai cuahmah lionan si tiah mi bawmchantu phun nih an chim.

“An ruak cu kan lak cang hna. Zeibantuk minung an si cu kan thei rih hna lo i khua chungah mi zei pawl dah a tlau mi an um tiah kan hlathlai cuahmah lio hna an si” tiah ruak chartu Mahmaung khuate mi bawmchantu pakhat nih a chim. An ruak cu Phakanh Zungah an kuat hna i a thimi hna i an sining cang cu an hlathlai lio hna a si tiah theih a si.

Be the first to comment

Leave a Reply

Your email address will not be published.


*