Ralhrang nih Tihnung khuaruahhar thil an tuah

Mandalay ramkulh komh NLD Vice-Chairman ralhrang uico phu nih an tlaih hnu zarhkhat ah an thah tiah chungkhar he naih niam hna sin in theih a si.

Mandalay ramkulh komh vice-Chairman U Ko Ko Lay cu poahmah 505 in tlaih ding an timh mi a si i ai thup nak hmun a chim duh lo caah a nupi Daw Soe Soe cu ralhrang nih an tuk velh in an rak tlaih.

Daw Soe Soe cu April 12 zanlei suimilam 5 le cheu ah an rak tlaih i April 18 ah lam 25 Kawyakun hmai um meithatnak zung hmai ah ralhrang nih cun an rak chiah tiah theih a si.

Ralhrang hi minung thinlung put a ngei ti lo mi an si. Minung lungput an ngei ti lo caah sualnak a ngei lo mi mipi nunnak zong kan him ti lo. A ngai te ti ahcun ralhrang nih tlaih an duh mi cu a pasal a si i a pasal cu an hmuh khawh ti lo caah a nupi a simi cu tlaih in an hrem tiah theih a si.

Mipi nunnak zeihmanh ah a ruat lo mi ralhrang pawl hi khulrang in i sung zawk cang hna seh tiah chim ka duh ko tiah NLD vice chairman hawikom pakhat nih a chim. U Ko Ko Lay chungkhar ningpi in aa thup hna caah a kum 50 leng a si mi Daw Soe Soe i a ruak cu sang pawl nih an vui tiah theih a si.
 
Daw Soe Soe cu ralhrang motor panga he mipi thil thuam he an i thuhnak hmun ah an tlaih mi a si i an thuhnak inn ngeitu hna zong cu ralhrang nih an hrem len hna tiah theih a si. Cu lawng si lo in U Ko Ko Lay a u a simi U Thein zaw zong ralhrang nih cun an tlaih i a tutiang i a thawngpang theih khawh a si ti lo tiah theih a si. A ngaite ti ahcun ralhrang nih a tu an thah mi Daw Soe Soe hi cu tlaih ding in nawl an chuah mi zongah aa tel lo mi a si.Ref: DVB

Be the first to comment

Leave a Reply

Your email address will not be published.


*