Ralhrang Nih Tukum Chung Lawng Kan Ram Uknak Nawl An Ngei

Ralhrang nihhin tukum chung lawng kan ram uknak nawl am ngei cang. Kawl ralhranh nih an mah nih upadi an ser ning tein tukum chung lawng kan ram uknak nawl an ngei cang.

Anmah ralhrang 2008 phunghram an ser ning te ah cankar lak uknak timi hi thla 6 dan in voi thum chapnak nawl an ngei. Kum khat hnu ah voikhat an chap cang i a tu voihnih chapnak nawl lawng an ngei cang.

Tulkum August thla ah voikhat an hun chap nawl lai i chapnak nawl an ngei ti lai lo. Fenbraury 2023 khin cun uknak chapnak nawl an ngei ti lo. Cucu an mah nih upadi an ser ning tein a si.

Cu ruang an Min Aung Hlaing nih 2023 ah thimnak kan tuah lai tiah a tinak kha a si. Thimnak tuah timh hi upadi ning in thla 6 rau ding a si. Cu thla 6 chung cu an mah ralhranh nih an um rih lai i August thla ah thimnak an tuah te lai.

Ralkap nih thimnak kan tuah lai i teitu party sinah uknak tha tein kan pek lai an ti cang. Thimnak ahhin zei party pawl dah an i tel lai timi tu cu theih a si rih lo.
Kawlram chung ah party 100 leng a ummi chung ah 50 hrawnh hi ralhranh meeting a kai pengmi an si. USDP party hi a lian bik a si. Cu caah thimnak an tuah ahcun USDP party nih teinak an co te ko lai tiah zumh a si.

Cheukhat nih an chimnak ahcun ralkap nihhin thimnak an tuah kho bal lai lo. Ramchung a buai tuk ahcun thimnak tuah khawh a si lai lo caah thimnak kan tuah kho lo, ram a buai tuk tiin anmah ralkap nih uknak hi an tlaih lawlaw peng ko lai tiah zumh a si.

2008 upadi ning tein ralhrang uknak can hi 2022 tukum chung lawng a si cang. Tukum pin uknak nawl an ngei ti lo. Sinain an mah ralhrang caah cun upadi a um lo caah zeidah an lawh te lai theih a si lo.

Be the first to comment

Leave a Reply

Your email address will not be published.


*