Ralhrang uico nih khuami lengchuah lo ding in nawl an chuah.

Ralhrang uico nih khuami lengchuah lo ding in nawl an chuah.

Chokhleipar-May16-2022
PotaO lei lam panh in ralhrang uico a zaleng nih an pal pahnak ding lamthluan pi kam i khuate poah cu lengchuah lo ding in ralhrang uico nih nawl an chuah caah khuami pawl cu harsa ngai in an um tiah thawng kan theih.

Tulio Sum Prabhum peng khuate khuali hrawnghrang hna cu khuate in meng2 tluk a hlatnak hmun ah kal lo ding in nawl an chuah caah khuami tampi hna cu eiding ca riantuan awk harsa ngai in an um cang ko tiah khuami pakhat nih KNG ah a chim.

Cuccah khua in mengthum tluk a hlatnak hmun hma i lo a tuah mi hna caah cun a har khun cang tiah theih asi.

Myitkyina in PutaOo lei hoih in a kalmi ralhrang uico tirawl thilril a phurtu motor cu nihin suimilam 1 hrawnghrang in Sum Prabhum peng Khayan khuate khuachung ah luh ding in Kharyan khua phanh hlan meng 10 tluk a hlatnak Daru Kha in an chuak cang tiah theih asi.

“Ralhrang hi milu 300 tluk an si lai. A tu cu khualeng hrawng an phanh cang. Cheukhat cu an phan rih lo. Tuzan hi pehzulh in an kal lai maw ka hngal rih lo. Tuzan lei khuachung an hun luh bak ah meithal ankah len. An i kap ma si ? Antihtuk caah anmah tein an kah len maw si timi cu ka theih lo” tiah Dru Hka khuami pakhat nih a chim.

Tutan PutaOo zulh in a kal mi hna ralhrang uico 300 hrawng hi motor 50 tluk cu Myitkyina khuapi lei a kalmi an si i kum 2 tluk a rauh hnu ah tutan hi a voikhatnak rlhrang thilril an kuat a si tiah theih asi. Source-KNG

Be the first to comment

Leave a Reply

Your email address will not be published.


*