Ralhrang Uico Nih Tlaih Mi Chin Ralkap CNDF ruak pahnih an hmuh

Rihkhawdar i SAC nih tlaih mi CNDF ralkap pahnih ruak an hmuh

2022 March 26 i Chin Ramkulh Falam Peng, Myanmar le India ramri Gate, Rihkhawdar pawng kahdohnak ah ralhrang nih tlaih mi CNDF ralkap pahnih hna cu April 18 zinglei sang ah an ruak in hmuh an si tiah thawng kan theih.

CNDF ralkap upa pakhat nih, “Rihkhawdar kah tan i an tlaih mi kan ralkap pahnih hna cu nihin zinglei sang ah an ruak in hmuh a si. An ruak hi a rawk dih cang. Lamkam ah an chiah hna i hmunhma zohfelnak a kalmi kan ralkap hna nih atu bantuk in an hmuh hi a si,” tiah The Hakha Post ah a chim.

Atu bantuk in ralhrang nih an tlaih hnu ah an thah mi hna hi Salai Samson le Salai Peka an si i an ruak zong nihin ah tluang tein an vui khawh hna.

CNDF nih March 21 ahkhan Myanmar le India ramri Gate ah Myanmar thantar cu thlak in Chin thantar an taar hnu 2022 March 26 ahkhan Dalan ruang ah CNDF ralkap nih gate an hngahnak hmun cu a thli in an fuh i an kah hna atu bantuk in an tlaih hna hi a si.Credit-TheHakhaPost

Be the first to comment

Leave a Reply

Your email address will not be published.


*