Ralhrang Uico Sniper Telh In pa7 nak an thah than hna

Shwebo le Watlet aa pehnak hmun khuate hna cu ralhrang nih mei an khangh i an kir lio ah PDF nih an kah hna caah ralhrang sniper telh in minung 7 an thi i PDF pathum nunnak a liam ve tiah theih a si.

Chokhleipar| May 8 | 2022
Sagaing ramthen Shwebo leng le Watlet peng aa pehnak hmunhma hrawng i khuate pawl mei a khanghtu ralhrang le Pyosaqhti hna cu mipi ralkap PDF nih an phomh hna caah ralhrang sniper telh in uico minung pa 7 an thah hna.

Ralhrang le Pyusawhti pawl hna nihcun Shwebo le Watlet peng aa pehnak khuate pawl cu May 5 mei in an khangh hna caah lampi an kir lio ah Watlet peng PDF ta-yin2, Mahameih PDF phu hna he May 6 thawk in an kah hna tiah theih a si.

May 7 ah ralhrang milu thazaang 70 u Watlet peng PDF tat-yin 2 nih zanlei suimilam 3pm tluk ah an kah than hna caah kaphnih karlak i kahnak a fak. Cuka hmun i kahnak ahcun ralhrang le sniper thiam telh in uico pa 7 a tlawmbik ah an thi lai o tampi nih hliamhma an pu.

Vanchiatnak ah PDF lei in paraltha pathum hna nih ram caah nunnak an pek ve lengah a dang paraltha pahnih an tlau.Tutiang an hmu kho rih hna lo.

Be the first to comment

Leave a Reply

Your email address will not be published.


*