Ralring A Herh~~Ralhrang Nih Chin Ramkulh A Thar A Kan Nam Than Cang

Chin ramkulh lei ah ralhranh nih a thar in ralkap thazang thar tamtuk an hun chap than hna.

Nizan Kalaymyo in Chin ram lei ah motor tam nawn tein ralhrang uico pawl cu hriamnam tling tein an hun kai hna. Chin ram khuazei lei ah an kai lai tiah Chin ralkap pawl nih an ngiathlai cuahmah hna tik ah Chin ram kulh tidim khuapi lei fuh in an kal tiah theih a si. Tidim ah maw an um lan lai Rih lei panh in an lan te hnga maw timi hi tutiang cu hngalh khawh an si rih lo.

Cu nihin zing ah khan Kalaymyo in Chin ram lei ah motor pa2 tluk hriamnam tlingte in kai ding ah timhcia in an um rih tiah theih a si. Nihin zing i motor 20 ralhrang hna hi Falam lei panh in kai an in timh tiah a thlithup thawngpang theih a si cang. Chin ram chungah ralhrang nih furpi chung ah hin nam biatak tein nam an timh tiah theih a si.

Chin ramkulh Kanpalet peng lei zong ah kahnak a fak. Ninga chung pehtlai in an i kap cang. Ralhrang zong a thimi le hliamtuar mi tampi an um cang hna.
Cu ruang ah Kawl ralhrang pawl nihcun Kanpalet peng lei ah an thazang an chap. Pako in Mindat lei ah ralkap Motor tampi an kuat chap hna tiah theih a si. Cu aah Kanpalet CDF le a tangti phu hna nih kuan le hriamnam tam nawn tein bawmhnak nan kan pek lo ahcun ralhrang uicobphu pawl nih biatak in Kanpalet an kan nam cang tiah bawmh halnak an tuah cang.

Kawl ralhrang nihhin a thar in Chin ramkulh a van kan nam than cang. Kan hnu te ah khan Sagaing le Chin ramkulh a hun uk tu Monywa hrambunh ralkap bawi zong an i thleng ti a si. A thar an van chiah ti a si. A thar in Chin ramkulh lei phomh than an kan timh ko cang hih.

Kan hnu hrawng kha Falam peng zong ah kahnak a fak ngai. Ralhrang 200 hrawng an um i 100 veve in hmun hnih ah an i then i Mualzual khua zong mei in an khangh.  Chin ramkulh ah a thar in kahnak fak a chuak than khomi a si caah mipi ralring tein um zungzal hna usih.

Be the first to comment

Leave a Reply

Your email address will not be published.


*