Ram Kip Um Chin Miphun Pawl Rian Rak Sok Cio Uh Hih

NUG Bond for Chin caah thil zuartu sok khawh a si

Chin ramkulh caah Pau Dothlennak i Tangka Khonnak Catlap pawl zuarding ah thil zuartu sok khawh a si tiah NUG Bond for Chin in rianṭuannak phu Chin Relief Funding Program – CRFP nih a thanh.

Thil zuartu ding ah ramkip ah a ummi phu Agent Application in June 20 a hnubik chia in sok khawh a si tiah theih a si.

NUG Bond for Chin nih zuar khawhmi tangka vialte cu Chin ramkulh caah hman a si lai i tampi zuar khawh a si ahcun a tulio Chin ramkulh dothlennak phu pawl an herhmi tangka bawmh khawh a si lai tiah CRFP nih a chim.

1. Tangka Khonnak Catlap a cawtu kuatmi tangka pawl cohlan a si lai.

2.,Tangka Khonnak Catlap a cawtu kuatmi tangka pawl kha mah bank account tein fim a si lai.

3. Tangka cohlan a si hnu ah Special Treasury Contract a cawtu sin ah Agent Order ID le Bond Order Receipt chuahpiak a si lai.

4. Tangka Khonnak Catlap zuar khawh mi tangka cazin, tangka kuatnak le zuar khawhmi tangka vialte CRFP sin ah ap a si lai.

5. CRFP nih zarhkhat voi 1 tuah tawnmi meeting a kai kho lai.

tiah thil zuartu hna nih zulh a herhmi phung 5 an langhter.

A tanglei link ahhin sok khawh a si tiah CRFP nih a thanh.

https://crfp.space/2022/05/21/chin-bond-nug-agent-application/?fbclid=IwAR1Bvc_Es4OFCJ3GJz7VF3zEEaqZrOtanytHnbM8U57_81RVxZxUayCuLg8

Be the first to comment

Leave a Reply

Your email address will not be published.


*